НАТО Россия билан чегаралар яқинида ўз қўшинлари ва ҳарбий техника гуруҳини янада кучайтириш имкониятларини кўриб чиқмоқда. Бу ҳақда Politico хабар берди.

Маълум қилинишича, алянс Украинадан ташқарида мумкин бўлган ҳарбий ҳаракатларни тўхтатишни кўзламоқда. НАТО расмийлари шарқий чегараларга 300 минг аскардан иборат гуруҳ жойлаштиришни илгари сурмоқда. Алянс қўшинларининг бир қисми ўн кун ичида жойлаштирилишга тайёр бўлган 100 000 га яқин аскардан иборат бўлиши мумкин. Унинг таркибига Польша, Норвегия, Эстония, Латвия ва Литва ҳарбий хизматчилари кириши айтилмоқда. Иккинчи қисм биринчисини қўллаб-қувватлайди ва 10-30 кун ичида жойлаштиришга тайёр бўлиши керак.

Бироқ бу стратегия НАТО аъзоларидан катта саъй-ҳаракатлар талаб қилиши мумкин. Жумладан, алянснинг кўплаб мамлакатлари ўзларининг етарли миқдорда ўқ-дорилар захираси йўқлигидан хавотирда, уларни тўлдириш вақт ва пул талаб қилади.

Аввалроқ The New York Times нашри НАТОга аъзо 30 та давлатдан 20 таси Украинага қурол жўнатгани сабабли ҳарбий ресурслари сезиларли даражада камайганини хабар қилганди.