АПЛ. “Арсенал” Лондон дербисида йирик ҳисобда ғалаба қозонди

Футбол бўйича Англия Премьер Лигасининг 28-турида “Арсенал” 19 март, якшанба куни “Кристал Пэлас”ни қабул қилди.

Учрашувнинг 28-дақиқасида Габриэль Мартинелли мезбонларни олдинга олиб чиққан бўлса, бўлим сўнгида Букайо Сака иккинчи голни урди. Иккинчи бўлим бошида Гранит Жака ҳисобни йирик кўринишга олиб келди.

63-дақиқада меҳмонлар жавоб тўпини киритди. 74-дақиқада Сака дублни расмийлаштирган ҳолда якуний ҳисобни ўрнатди.

Шу тариқа Микель Артета шогирдлари очколарини 69 тага етказиб олди ва якка пешқадамликда давом этмоқда. Битта захира ўйинига эга “Манчестер Сити” ҳисобида 61 очко бор.

АПЛ

28-тур баҳси

19 март, якшанба

“Арсенал” – “Кристал Пэлас” 4:1

Голлар: 1:0 – 28 Мартинелли, 2:0 – 43 Сака, 3:0 – 55 Жака, 3:1 – 63 Шлупп, 4:1 – 74 Сака.

“Арсенал”: Рэмсдейл, Уайт (Жоржиньо, 83), Holding, Габриэль (Кивер, 86), Зинченко (Тирни, 65), Жака, Парти, Эдегор, Сака, Троссард (Габриэль Жезус, 65), Мартинелли (Смит-Роу, 83).

“Кристал Пэлас”: Уитуорт, Уорд, Томкинс, Гехи, Митчелл, Миливоевич (Хьюз, 65), Шлупп (Ахамада, 82), Дукуре, Олисе (Эзе, 82), Заа, Эдуар (Айю, 65).