UzLITI Engineering “Қон топшир — ҳаёт инъом эт!” хайрия акциясини ўтказди

UzLITI Engineering компаниясининг катта жамоаси турли хайрия тадбирларида фаол иштирок этиб келади. Муқаддас Рамазон ойи арафасида лойиҳалаш марказининг 100 га яқин ходимлари Тошкент шаҳри “Қон препаратлари” ИИК билан ҳамкорликда “Қон топшир — ҳаёт инъом эт!” шиори остида ўтказилган донорлик акциясида қатнашдилар.

Тадбир муҳандислик компанияси офисида бўлиб ўтди. 14 март куни у ерга “Қон препаратлари” ИИКнинг ўнта мутахассисидан иборат кўчма гуруҳи махсус жиҳозланган автобусда етиб келди. Бинода барча тиббий жараёнларни сифатли даражада бажариш учун олдиндан барча шароитлар яратилди. Донор бўлиш истагини билдирган ходимлар шу ернинг ўзида тегишли текширувдан ўтиб, гематологлар консультациясини олдилар.

Қон препаратларига муҳтож бўлган оғир беморларнинг даволанишига ҳисса қўшиш истаги барча иштирокчилар учун мотивация бўлди. Тиббий муассаса жамоаси ва кўнгиллиларнинг профессионаллиги туфайли етказиб бериш жараёни аниқ ва самарали ўтди.

Тадбир якунида ҳар бир донорга электрон шаклда умумий қон текшируви натижалари берилди.

Акция “Қон препаратлари” ИИК жамоаси номидан UzLITI Engineering компанияси вакили Мирғани Абдуллаевга ташаккурнома топширилиши билан якунланди.

ИИК директори, тиббиёт фанлари доктори Зуҳра Убайдуллаева қонни қабул қилиш ва касалхоналарга етказиб бериш жараёни ҳақида маълумот бериб, шифокорлар номидан илиқ сўзларни айтди:

“Муҳандислар ва шифокорларнинг ҳамкорлиги яхши анъанага айланди. Бундай хайрия тадбирларини ташкил этиш ва ўтказишдаги жонбозлиги учун UzLITI Engineering раҳбарияти ҳамда ходимларига самимий миннатдорчилик билдирамиз”.

Маълумотлар шериклик ҳуқуқи асосида тайёрланди