Бухоро вилоятида машинаси ҳеч қандай ҳужжатларсиз 720 кг товуқ гўштини олиб кетаётган ҳайдовчи ушланди. Бу ҳақда вилоят Ички ишлар бошқармаси ахборот хизмати хабар берди.
Хабарга кўра, вилоят ИИБ ЖХХ ЖЦБ Карантин тадбирларини таъминлаш бўлинмаси ҳамда шаҳар Ветеринария ва чорвачиликни ривожлантириш бўлими ходимлари ҳамкорлигида озиқ-овқат маҳсулотларининг хавфсизлигини таъминлаш мақсадида назорат-рейд тадбирлари олиб борилди.
Назорат-рейд тадбирлари давомида 1978 йилда туғилган фуқаро Ф.Д.ўзига тегишли бўлган машинада ветеринария-санитария қоидаларига зид равишда жами 720 килограмм оғирликдаги товуқ гўшти маҳсулотларини ҳеч қандай бирламчи ҳужжатларсиз сотиш мақсадида олиб кетаётгани аниқланди.
Маълум қилинишича, фуқарога нисбатан тегишли тартибда маъмурий баённома расмийлаштирилди.
Аввалроқ Жиззах вилояти Ғаллаорол туманида тегишли ҳужжатсиз 358 килограмм гўшт олиб кетаётган машина тўхтатиб қолингани ҳақида хабар берилган эди.
Изоҳ (0)