Уйни тоза сақлаш қобилияти эскирмайдиган санъатдир. Шубҳасиз, замонавий технологиялар ва маиший техниканинг ривожланиши ҳаётимизни осонлаштиради. Лекин, ҳатто робот чангютгичлар ва чиройли идиш-товоқ ювиш машиналари ҳам бувиларимиз эга бўлган оддий “найранг”лар ва тозалаш кўникмаларининг ўрнини боса олмайди.
Ҳар доим уйда оқ цирка сақланг
Бу табиий суюқлик тозалаш воситаси барча уй бекалари учун ажойиб ёрдамчидир. Агар сиз уни озгина истеъмол содаси билан аралаштирсангиз, матодаги доғлар учун ажойиб воситага эга бўласиз. Ушбу ечим ёрдамида болалар қўлидаги фломастер ва шарикли ручкалар доғларини ўчиришингиз мумкин. Ёки музлаткични тозалаш ва деразаларни артиш учун ундан фойдаланинг.
Ювишдан олдин кирларни эҳтиёткорлик билан сараланг ва текширинг
Жуда узоқ вақт талаб қилса ҳам. Кир ювиш машинасига квитансиялар, қоғоз салфеткалар, пуллар ва қаламлар каби қирувчи нарсалар тушмаслиги учун ҳар кир ювишга тайёрланаётганда шим ва жинси шимларингиз чўнтакларини ичкарига қайтаришни ўрганинг. Бўялиб кетишнинг олдини олиш учун фақат ўхшаш рангдаги нарсаларни ювинг. Ва агар оқ кукун ювишдан кейин қора кийимларга ёпишиб қолса, уларни тозалаш учун ёпишқоқ тасма ёрдам беради. Яна бир муҳим ювиш сири: свитер ва трикотаж кийимларни сиқмасдан ювинг, сўнг уларни сочиқ устига қўйинг ва ўранг. Сочиқ сувни ўзига сингдирганда, трикотажни қуритиш учун текис юзага қўйишингиз мумкин.
Меҳмонлар учун тоза бурчак
Баъзида уйингизга келган меҳмонлар бирор кунга ётиб қолишади. Меҳмонхонангиз бўлмаса ҳам, меҳмон учун бурчак тайёрланиши керак: қатланадиган диван ёки кресло ва, албатта, янги чойшаблар тўплами. Уйда бир марталик янги тиш чўткалари бўлиши меҳмонлар учун жуда ёқимли.
Ҳар доим нарсаларни дазмолланг
Ва буни яхши бажаринг. Фарзандингиз коллеждаги суҳбатга ғижим кўйлак кийиб борса, улардан ижобий хулоса олиши даргумон. Фарзандларингизга дазмоллашни ва буғнинг кучини тушунишни ўргатинг. Ёқаларни крахмаллаш ва бурмаларни текислаш кераклигини билишлари муҳимдир. Улар ювишдан олдин нарсаларни нафақат ранги бўйича саралашни, балки нарсалардаги ёрлиқларни ўқишни ҳам ўрганишлари бир хил даражада муҳимдир: нима ва қандай ҳароратда ювиш ва дазмоллаш мумкин? Ювгандан кейин икки ўлчамдаги кичкина кўйлак олишнинг ўзи қувониш учун етарли эмас! Камроқ дазмоллаш керак бўлиши учун қандай ювиш кераклигини билиш лозим.
Уйдаги ҳамма нарса ёқимли ҳидга эга бўлсин
Бугунги кунда барча ҳолатлар учун спрейлар мавжуд, буюмнинг устига сепинг ва янги ҳид кафолатланади. Бизнинг бувиларимиз бу мақсадлар учун қуритилган ўтлар солинган пакетлардан фойдаланганлар. Нега биз уларнинг тажрибасидан фойдаланмаймиз, ҳеч бўлмаса янгича талқинда? Чойшаблар, сочиқлар, кийим-кечак ва поябзалларга ажойиб ҳид қўшиш учун қоғоз чой пакетларидан фойдаланинг. Уларни қуритилган лаванда билан тўлдиринг ва пакетни ёпиш учун уларни дазмолланг. Кейин уларни кичкина матоли қопчага жойлаштиринг, очиқ учини тикиб қўйинг ёки боғланг ва кийимингизни юкланган қуритгичга тўғридан тўғри қопчаларни ташланг.
Тиш пастаси фақат тишларингизни тозалаш учун эмас
Тиш пастаси уй атрофидаги кўп нарсаларни, масалан, девор ва полдаги доғларни тозалаши мумкин. Уни кумуш тақинчоқларни тозалаш учун ишлаца бўлади. Бунинг учун тиш пастаси ва махсус тиш чўткасини олинг. Улар ёрдамида уйдаги энг қийин жойларда доғларни тозалай оласиз.
Ювиш ўрнига — чангютгич
Обдон ювиш учун илгаклардан пардаларни юлиб олиш ҳақиқий бош оғриқдир. Баъзан уларни чангютгич билан тозалашга ҳаракат қилишингиз мумкин. Пардалар чангютгичга кириб кетмаслиги учун чангютгич чўткасига нейлон пайпоқ боғланг. Бу кейинги ювишгача вақтни узайтиришга ёрдам беради.
Лампочкаларни чангдан тозаланг
Лампочкалар кўпинча тозалаш вақтида унутилади! Лекин улар ўзига чанг тортади ва чангли лампалар қораяди, камроқ ёруғлик тарқатади. Стол чироқлари, пол лампалари, шамчироқлар ва қандиллардаги лампочкаларни ўчирилган вақтда қуруқ юмшоқ мато билан артиб олинг.
Мавзуга доир:
Изоҳ (0)