Uzbekistan Airways йўловчиларга қўшимча қулайликлар яратиш, сайёҳлар оқимини кўпайтириш мақсадида 26 мартдан бошлаб Тошкентдан Лондон, Франкфурт ва Рига шаҳарларига парвозлар сонини оширади. Бу ҳақда авиакомпания матбуот хизмати маълум қилди.
26 мартдан бошлаб Тошкент—Лондон—Тошкент йўналиши бўйича парвозлар сони ҳафтасига 2 мартадан 3 мартагача оширилади. Сешанба ва жума кунларидан ташқари, якшанба кунлари ҳам парвозлар амалга оширилади.
29 мартдан эса Тошкент—Франкфурт—Тошкент йўналиши бўйича парвозлар сонини ҳафтасига 3 мартадан 4 мартага кўпайтиради. Бундан буён Франкфуртга тўғридан-тўғри авиақатновлар душанба, чоршанба, пайшанба ва шанба кунлари амалга оширилади.
Шу санадан Тошкент—Рига—Тошкент йўналиши бўйича парвозлар сони ҳафтасига 3 мартагача оширилади. Йўловчилар тўғридан тўғри авиаташувларда душанба, чоршанба ва жума кунлари саёҳат қилиши мумкин.
Шу билан бирга, Uzbekistan Airways ёзги парвозлар жадвалига ўтиши муносабати билан 28 мартдан Тошкент—Милан—Тошкент, 31 мартдан бошлаб эса Тошкент—Париж—Тошкент йўналишларида авиақатновларни йўлга қўяётганини маълум қилди.
Изоҳ (0)