Ўзбекистонда амалий ташриф билан бўлиб турган БМТ Инсон ҳуқуқлари бўйича Олий комиссари Волкер Турк соҳада амалга оширилаётган ишлар бўйича муносабатини билдирди.
Таъкидланишича, ўтган уч кун давомида уни илиқлик ва меҳмондўстлик билан кутиб олишган, у давлат мансабдор шахсларидан тортиб, ҳуқуқ ҳимоячиларигача бўлган кенг доирадаги одамлар билан очиқ ва самимий суҳбатлар ўтказган.
“Бугун эрталаб президент Шавкат Мирзиёев билан учрашдим ва у амалга оширилаётган ислоҳотларга батафсил тўхталиб ўтди. Ўтган олти йил ичида Ўзбекистонда ўзгаришлар бўйича кўп ишлар қилинди ва мен истиқболдаги саъй-ҳаракатларда инсон ҳуқуқларини эътибор марказида сақлашга бўлган садоқатига юқори баҳо бердим”, — дейди вакил.
Шунингдек, у Ўзбекистон мустақилликка эришгандан сўнг бу ерга келганини, ҳозирда эса мамлакат бутунлай ўзгарган. Мутахассис ўзгаришларни ҳис қилиш учун Тошкент шаҳрида ён-атрофга қарашнинг ўзи кифоя эканини таъкидлаган.
“Ўзбекистонга мерос бўлиб қолган сиёсий тузилмалар инсон ҳуқуқларини эътиборга олмаган. Сўнгги олти йил ичида бу тубдан ўзгарди. Президент ташаббуси билан амалга оширилаётган ислоҳотлар кенг кўламли соҳаларда муҳим ҳуқуқий ислоҳотларни ўз ичига олди: пахта далаларида мажбурий меҳнатга барҳам бериш; 76 000 дан ортиқ аввал фуқаролиги бўлмаган шахсларга фуқаролик бериш; Сурия ва бошқа ерлардаги лагерлардан 500 дан ортиқ аёл ва болаларнинг қайтариб, олиб келиш ва қайта интеграциясини таъминлаш. Мен бошқа давлатларни ҳам ўрнак олишга чақираман”, — дейди Волкер Турк.
Изоҳ (0)