Тошкент  ва Урганч ўртасида қўшимча поезд қатновлари йўлга қўйилади

Транспорт вазирлиги Тошкент ва Урганч ўртасида қўшимча йўловчи поездлар ҳаракати йўлга қўйилишини эълон қилди.

Вазирлик ахборотига кўра, байрам кунларида йўловчиларни ташиш мақсадида 19, 21 март кунлари 156-сонли Тошкент—Урганч йўналиши ва 2023 йилнинг 20, 22 март кунлари 155-сонли Урганч—Тошкент йўналишида қўшимча 2 та рейс ҳаракати йўлга қўйилади.

Поезд қуйидаги жадвал асосида ҳаракатланади:

• 19 март Тошкент—Урганч йўналиши: Тошкент 23:58 — Урганч 14:16;
• 20 март Урганч—Тошкент йўналиши: Урганч 17:42 — Тошкент 07:06;
• 21 март Тошкент—Урганч йўналиши: Тошкент 23:58 — Урганч 14:16;
• 22 март Урганч—Тошкент йўналиши: Урганч 17:42 — Тошкент 07:06.

Сҳипталарни темирйўл кассаларидан ва электрон тарзда chipta.railway.uz орқали харид қилиш мумкин.

Аввалроқ Самарқанд—Тошкент—Самарқанд “Афросиёб” электропоезди йўналишида қўшимча 6 та рейс ҳаракати, Тошкент—Қарши—Тошкент  йўналишида қўшимча 2 та рейс ҳаракати йўлга қўйилиши ҳақида хабар берилган эди. Бундан ташқари, 20 мартдан бошлаб Шаҳрисабз—Самарқанд—Шаҳрисабз йўналишида тезюрар йўловчи поезд ҳаракати бошланади.