Президент администрацияси раҳбарининг ўринбосари Комил Алламжонов АҚШнинг Ўзбекистондаги элчиси билан YouTube монетизациясининг чекланиши юзасидан учрашув ўтказди.
Хабарга кўра, учрашувда кўплаб лойиҳалар юзасидан фикр алмашилган. Хусусан, Google (YouTube) компанияси билан ҳамкорлик алоқаларини йўлга қўйиш ва бу орқали ахборот соҳасига оид айрим муаммоларни биргаликда ҳал этиш масалалари муҳокама қилинган.
Қайд этилишича, кўплаб блогерлардан YouTube монетизациясининг чекланиши юзасидан мурожаатлар келиб тушган. Шу боис учрашувда элчи билан ушбу компания вакиллари билан учрашув ташкил этиш ва вазиятни ўрганиш бўйича келишиб олинган.
Маълумот учун, YouTube 2021 йил апрель ойидан бошлаб ўзбек аудиторияси учун канал муаллифларини моддий рағбатлантиришни тўхтатган.
Изоҳ (1)
Eee manetizatsiya yonmayaptiku, yonmaydiyamda