Toshkent va Urganch o‘rtasida qo‘shimcha poyezd qatnovlari yo‘lga qo‘yiladi

Transport vazirligi Toshkent va Urganch o‘rtasida qo‘shimcha yo‘lovchi poyezdlar harakati yo‘lga qo‘yilishini e’lon qildi.

Vazirlik axborotiga ko‘ra, bayram kunlarida yo‘lovchilarni tashish maqsadida 19, 21-mart kunlari 156-sonli Toshkent—Urganch yo‘nalishi va 2023-yilning 20, 22-mart kunlari 155-sonli Urganch—Toshkent yo‘nalishida qo‘shimcha 2 ta reys harakati yo‘lga qo‘yiladi.

Poyezd quyidagi jadval asosida harakatlanadi:

• 19-mart Toshkent—Urganch yo‘nalishi: Toshkent 23:58 — Urganch 14:16;
• 20-mart Urganch—Toshkent yo‘nalishi: Urganch 17:42 — Toshkent 07:06;
• 21-mart Toshkent—Urganch yo‘nalishi: Toshkent 23:58 — Urganch 14:16;
• 22-mart Urganch—Toshkent yo‘nalishi: Urganch 17:42 — Toshkent 07:06.

Сhiptalarni temiryo‘l kassalaridan va elektron tarzda chipta.railway.uz orqali xarid qilish mumkin.

Avvalroq Samarqand—Toshkent—Samarqand “Afrosiyob” elektropoyezdi yo‘nalishida qo‘shimcha 6 ta reys harakati, Toshkent—Qarshi—Toshkent  yo‘nalishida qo‘shimcha 2 ta reys harakati yo‘lga qo‘yilishi haqida xabar berilgan edi. Bundan tashqari, 20-martdan boshlab Shahrisabz—Samarqand—Shahrisabz yo‘nalishida tezyurar yo‘lovchi poyezd harakati boshlanadi.