Гиннеснинг рекордлар китобига кириш учун одамлар йиллар давомида кучларини синаб кўришади, аммо қуйидаги машҳурлар ҳатто ўз олдиларига бундай мақсад ҳам қўймасдан жаҳон рекордини ўрнатишга муваффақ бўлган.
Кичик Роберт Дауни
Кичик Роберт Дауни “Темир одам 3” фильмининг премераси учун Хитойга биринчи ташрифи чоғида янги рекорд ўрнатишга муваффақ бўлди. Актёрга Гиннеснинг рекордлар китобига кириш имконини берувчи 5339 нафар мухлис томонидан имзоланган откритка совға қилинди.
Роберт бу эътибордан ҳайратда қолди ва расмий сертификатни олгач, у откриткани ўзининг замонавий санъат коллекциясига қўшишини айтди.
Дуэйн Жонсон
Лондонда бўлиб ўтган “Сан-Андреаснинг парчаланиши” фильмининг жаҳон премерасида актёр атиги 3 дақиқа ичида мухлислари билан 105 та селфи суратга олишга муваффақ бўлди. Актёр рекорд ўрнатишга уриниб кўрди. Гарчи хира ва тўлиқ бўлмаган тасвирлар дисквалификация қилинган бўлса-да, танланган 105 та расм унвонни қўлга киритиш учун етарли эди.
Актёр Instagram’да тез-тез спорт билан шуғулланаётгани ҳақидаги суратларни жойлаштиради ва селфини мушаклар учун ажойиб машқ, деб ҳисоблайди.
Женнифер Энистон
Женнифер Энистон Гиннеснинг рекордлар китобига яқинда ва кутилмаганда киритилди. Актриса ижтимоий тармоқда атиги 5 соат 16 дақиқада рўйхатдан ўтиб, миллион обуначига эга бўлди. Актрисанинг саҳифасига ташриф буюришни истаганлар сонининг кўплиги туфайли ижтимоий тармоқ техник муаммоларга дуч келди ва бир мунча вақт актрисанинг дўстлари ҳам аккаунтга обуна бўла олмадилар.
Шу тариқа Жен 5 соат-у 45 дақиқада илк миллионини йиғган шаҳзода Гарри ва Меган Марклнинг рекордини янгилашга муваффақ бўлди.
Шакира
Лотин америкалик қўшиқчи Шакира бир неча бор Гиннеснинг рекордлар китобига кирган.
Биринчи рекордини у 2005 йилда ўрнатган. Альбоми сотувга чиққанидан бир ҳафта ўтгач, АҚШда энг кўп сотилган альбомга айланди (157 000 нусха). Ўша йили “La Tortura” қўшиғи энг кўп сотилган испан сингли деб топилди. 2017 йилда эса Шакира Facebook’да 100 миллион лайк тўплаган дунёдаги биринчи одам бўлди.
Яқинда Шакира собиқ турмуш ўртоғи, футболчи Жерар Пикенинг хиёнати ҳақида куйлаган қўшиғи туфайли яна бир бор Гиннеснинг рекордлар китобига кирди.
Жастин Бибер
Жастин Бибер доимий равишда юқори натижаларга эришади. 2017 йилнинг ўзидаёқ у Purpose альбомининг муваффақияти билан боғлиқ 8 та рекордни янгилади.
Афсуски, у олган ҳар бир унвонни муваффақиятли деб бўлмайди. YouTube’даги Baby қўшиғига ишланган клип дунёдаги энг кўп дислайклар бўйича рекордни янгилаган (9,9 миллион).
Эминем
Машҳур америкалик рэпер Эминем коплаб рекордларга эга, аммо уларнинг энг муҳими истеъдод ва махсус маҳорат талаб қилади.
2013 йилда у қўшиқларидан бирида энг тез реп ўқиш бўйича рекорд ўрнатди. Rap God’да у 6 дақиқа 4 сонияда 1560 та сўз ўқийди, бу сонияда ўртача 4,28 сўзни ташкил этади. Шундан сўнг у икки марта ўз рекордини янгилашга муваффақ бўлди. Жорий йилнинг бошида рэпер узоқ кутилган альбомини чиқарди ва мухлисларни янги натижа билан ҳайратда қолдира олди, Godzilla трекида у сониясига 7,23 сўз айтади.
Билли Айлиш
Билли Айлиш эндигина 18 ёшда ва ўзининг қисқа фаолияти давомида у ақл бовар қилмайдиган чўққиларни забт этишга муваффақ бўлди. 2020 йилда қўшиқчи тўртта асосий “Гремми” номинациясида (“Йил альбоми”, “Энг яхши янги ижрочи”, “Йил қўшиғи”, “Йил рекорди”) ғолиб чиққан ягона аёл ва энг ёш хонанда бўлди. Шунингдек, у Жеймс Бонд фильми учун саундтрек ёзган энг ёш мусиқачига ҳам айланди.
Изоҳ (0)