Қорақалпоғистон ҳамда Наманган вилоятида электр энергиясидан ноқонуний фойдаланганлар 350 миллион сўмдан зиёд зарар етказди. Бу ҳақда иқтисодий жиноятларга қарши курашиш департаменти ахборот хизмати хабар берди.
Хабарга кўра, Бош прокуратура ҳузуридаги департаментнинг Қораўзак туман бўлими томонидан ИИБ ва туман ЭТК ходимлари билан ҳамкорликда ўтказилган терговга қадар текширувда, “Т.Б.” фермер хўжалиги масъул шахслари хўжалик ер майдонларини суғориш учун қуввати 110 кВт/с бўлган сув насосини умумий фойдаланишдаги электр тармоғига ўзбошимчалик билан улаган. Улар 156 миллион сўмлик электр энергиясидан ноқонуний фойдалангани аниқланган.
Шу каби, департаментнинг Тўрақўрғон туман бўлими томонидан ЭТК ходимлари билан ҳамкорликда ўтказилган терговга қадар текширувда, “Н.Ф.” МЧЖ раҳбари М.А. ва бошқалар МЧЖнинг музлаткич омборини ҳеч қандай ҳужжатсиз умумий фойдаланишдаги электр тармоғига ўзбошимчалик билан улаб, 136,5 миллион сўмлик электр энергиясидан ноқонуний фойдалангани аниқланган.
Бундан ташқари, департаментнинг Наманган шаҳар бўлими томонидан ЭТК ходимлари билан ҳамкорликда ўтказилган терговга қадар текширувда, “С.Т.” МЧЖ раҳбари У.М. ва бошқалар МЧЖнинг тикувчилик цехини умумий фойдаланишдаги электр тармоғига ўзбошимчалик билан улаб, 70,3 миллион сўмлик зарар етказганлиги аниқланган.
Мазкур ҳолатлар юзасидан Жиноят кодексининг 185-2-моддаси (электр, иссиқлик энергияси, газ, водопроводдан фойдаланиш қоидаларини бузиш) билан жиноят ишлари қўзғатилиб, тергов ҳаракатлари ўтказилмоқда.
Аввалроқ Навоий, Фарғона, Андижон, Самарқандда газ ва электр энергиясидан ноқонуний фойдаланганлар 2,5 миллиард сўмдан зиёд зарар етказгани хабар қилинганди.
Изоҳ (0)