Андижон вилоятининг Жалақудуқ туманида яшовчи 45 ёшли эркак қорнига пичоқ уриб, жонига қасд қилди. Бу ҳақда “Дарё”га Бош прокуратура матбуот хизмати хабар берди.
Маълум қилинишича, Жалақудуқ туманида яшовчи, 1978 йилда туғилган фуқаро Э.А. 2023 йилнинг 28 февраль куни соат 18:30 ларда хонадонида қорин соҳасига пичоқ уриб, ўз жонига қасд қилган. Марҳум туман шошилинч тез тиббий ёрдам бўлимига олиб борилган. Бироқ шифокорлар томонидан кўрсатилган тез-тиббий муолажаларга қарамасдан, у шифохонада вафот этган.
Таъкидланишича, Э.А. 2011 йилда турмуш ўртоғи билан ажрашган. Шундан сўнг Э.А. 2012 йилдан 2022 йилга қадар депортация қилингунча Қозоғистон Республикасида ишлаб келган. 2020 йилдан буён хонадонида 2 нафар вояга етмаган қизи билан яшаб келган. Вафот этгунга қадар кунлик мавсумий ишлар билан шуғулланиб келган, ичкиликбозликка ружу қўйган.
Жалақудуқ туман прокуратураси томонидан ушбу ҳолат юзасидан терговга қадар текширув ҳаракатлари олиб борилмоқда.
Изоҳ (0)