Ўзбекистонда 11 март куни умумхалқ хайрия ҳашари ўтказилиши ҳақида хабар берилганди. Бош вазир матбуот хизмати ходими Бекзод Ҳидоятов тадбир 18 мартга қолдирилганини маълум қилди.
Вазирлар Маҳкамасининг тегишли фармойиши асосида ушбу умумхалқ хайрия ҳашари Наврўз умумхалқ байрами ва муборак Рамазон ойи арафасида ҳамда тадбирга пухта тайёргарлик кўриш ва уюшқоқлик билан ўтказиш мақсадида 2023 йил 11 мартдан 18 мартга кўчирилган.
Эслатиб ўтамиз, ҳукуматнинг 4 мартдаги тегишли фармойиши асосида бўлиб ўтадиган ушбу хайрия ҳашари Наврўз байрамини муносиб нишонлаш ҳамда Рамазон ойини қарши олишга тайёргарлик кўриш, маҳаллалар, аҳоли турар жойларини ободонлаштириш ва кўкаламзорлаштириш, аҳолининг ижтимоий ҳимояга муҳтож қатламларини қўллаб-қувватлаш мақсадида ўтказилиши белгиланганди.
Изоҳ (0)