Кўз инсон қалбининг кўзгуси, айни пайтда соғлиғининг ҳам. Одатда сариқ оқсиллар катта хавотир туғдирмайди, шу сабабдан бундай ўзгаришга кўпинча эътибор қаратилмайди. Аммо бу ҳолат организмдаги носозликни, баъзида эса жиддий касалликларни кўрсатади.
Нима учун кўз оқи сарғаяди?
Бундай ҳодиса кўзнинг ўзи ёки бирор ички органнинг касаллиги билан боғлиқ бўлиши мумкин.
Жигардаги муаммолар билирубин моддасининг қонга чиқишига олиб келади, натижада тери ва кўзлар сарғаяди. Жигар билан боғлиқ муаммолар носоғлом турмуш тарзи, нотўғри овқатланиш, паразитлар билан инфекция туфайли пайдо бўлади.
Кўз касалликлари ва хавфли ўсмалар нафақат оқсиллар рангининг ўзгаришига, балки турли қизариш ва ноқулайликни келтириб чиқаради.
Уйқусизлик, компьютерда ишлаш, ёруғлик даражасининг пастлиги ва бошқа омилларга эга бўлган хоналарда узоқ вақт ўтириш таъсирида кўзнинг ҳаддан ташқари зўриқиши кўпинча оқсилларнинг сарғайишига олиб келади.
Ушбу ҳодисанинг сабабларини аниқлаш учун офталмолог томонидан ўтказилган биргина текширув ҳар доим ҳам етарли бўлмайди. Бунда тестлар ва қўшимча текширувлар талаб қилинади. Ушбу ҳодиса нима билан боғлиқлигини мустақил равишда аниқлаш деярли имконсиз.
Кўзнинг оқи сарғайган бўлса, нима қилиш керак?
Агар сизда шундай аломат пайдо бўлса, дарҳол маслаҳат учун шифокорга мурожаат қилинг. Бу кўзларнинг сарғайиши билирубин моддасининг кўпайиши ёки ортиқча иш билан боғлиқлигини аниқлашга ёрдам беради. Баъзида кўз оқининг ранги ўзгариши ранг берувчи таъсирга эга бўлган озиқ-овқатларни (масалан, сабзи) ҳаддан ташқари кўп истеъмол қилишдан ҳам келиб чиқади.
Кўз сарғайишининг асл сабабини аниқлашдан олдин, организмни парвариш қилинг. Аввало, жигарга таъсир қиладиган юкни камайтириш керак.
Бунинг учун:
- спиртли ичимликларни истеъмол қилишни тўхтатиш;
- диетада ун маҳсулотларини чеклаш;
- таомномадан шўр ва аччиқ таомларни чиқариб ташлаш лозим.
Бундан ташқари, кўзлар яхши дам олиши зарур:
- тоза ҳавода тез-тез пиёда юриш;
- компьютер билан ишлашда танаффуслар қилиш;
- етарлича ухлаш тавсия этилади.
Кўзлар — саломатлик ва бахтли ҳаёт учун муҳим орган. Эътиборсиз қолдирилган аломатлар ва бепарволик кўриш қобилиятининг бузилиши ёки йўқолишига олиб келади. Шу боис ўз вақтида даволаш чораларини кўриш зарур.
Кўзнинг сарғайиши ноқулайлик туғдирмаса ҳам аниқ ташхис қўйиш керак: сабаблар хавфли ёки хавфсиз бўлиши мумкин, аммо ҳар қандай ҳолатда улар муаммо ҳақида сигнал беради ва эътибор талаб қилади.
Мавзуга доир:
Изоҳ (0)