Агар сиз товуқ гўштидан қилинган қарсилдоқлар ва қовурилган картошкани яхши кўрсангиз бу сиз учун ёмон хабар бўлиши мумкин.
Кўпроқ пиёда юриш, етарлича ухлаш, ўртача жисмоний машқлар қилиш — бу ҳар биримиз иммунитетимиз учун қила оладиган нарсалардир. Бу ҳаракатларимиз организмни қўллаб-қувватлаш, вирус ва бактерияларга қарши курашиши учун кўпроқ куч беради. Иммунитет танани “нотўғри қўнғироқлар”дан ҳимоя қилиш учун ҳар қандай усулда — қимматбаҳо “жанговар захира”ни ишга солиб “рақибга” ҳужум қиладиган вазиятлар учун керак. Сизнингча, бу фақат касал бўлганингизда содир бўладими? Яқинда ўтказилган тадқиқот бундан ҳам ёмони борлигини тасдиқлади.
Шамоллаш ва гамбургер — иккаласи бир хилми?
Бонн университети олимларининг 2018 йилда чоп этилган тадқиқоти шуни тасдиқладики, кечки овқат ёки фаст фудларни (жуда баланд ҳароратда қовурилган гўшт, шакар, тўйинган ёғлар ва клечатка миқдори кам овқатлар) истеъмол қилганда иммунитет тизимига худди бир ҳафта мобайнида ЎРВИ билан касаллангандек зарба беради.
Олимлар бир ой давомида сичқонларни машҳур фастфуд тамаддихоналарида тайёрланадиган таомларга ўхшаш овқат билан озиқлантиришди. Ҳайвонларда юқумли касалликка чалинганидан кейин пайдо бўладиган яллиғланиш реакцияси тезда пайдо бўлганини аниқлашди. Организм хавфли тажовузкорга қарши курашиш учун том маънода кучли армияни сафарбар қилди: ҳайвонларнинг қонидаги иммунитет ҳужайралари сони кўп мартага ортди.
Аммо бу энг ачинарлиси эмас: кейинги тадқиқотлар нотўғри овқатланиш билан бошланган жараён деярли қайтариб бўлмайдиганлигини тасдиқлади: ҳатто, яллиғланиш реакцияси пасайганидан кейин ҳам, генетик тестлар иммунитет тизимидаги ўзгаришларни аниқлашда давом этди. Дарҳақиқат, тананинг ҳимоя тизими доимий ташвиш ҳолатида пайдо бўлди. Бу, албатта, жуда соғлом ва нормал ҳолат эмас эди.
Мабодо, сизга соғлом овқатланишга ўтиш ва фаст фудлардан воз кечиш учун яна бир далил керак бўлса, мана ўша исбот: қанчалик кўп гамбургер ва чипс истеъмол қилсак, организм ҳақиқатан ҳам жиддий ҳужумларга дош берадиган кучга эга бўлмайди. Шу жумладан, коронавирусга ҳам.
Мавзуга доир:
Изоҳ (0)