Ҳар бир аёлнинг гардеробида бўлиши керак бўлган етти хил кийим-кечак (фото)

Замонавий кўринишга  эга бўлиш учун кўп пул сарфлаш шарт эмас. Урфдан қолмайдиган, образни янада чиройлироқ кўрсатишга ёрдам берадиган нарсалар мавжуд. Бундай кийимларни машҳур моделларнинг, шунингдек мода билан ҳамнафас юрувчи инсонларнинг гардеробидан топиш мумкин. 

Ушбу кийимлар ҳар қандай вазиятга мос келади ва уларни бошқа либослар билан ҳам мослаштирса бўлади. Рўйхатда келтириладиган кийимлар замонавий кўринишга ҳам ёрдам беради.

Қора водолазка

Қора водолазка гардеробингизда бўлиши керак бўлган кийимлардан бири ҳисобланади. Ушбу кийим бошқа кийимлар билан жуда яхши мос келади ва озғин кўринишга ёрдам беради, шунингдек, водолазкани ҳар қандай костюм, кардиган, куртка, тренч ва палто билан кийиш мумкин.

Оқ кўйлак

Ҳозирда офисда ходимлар кўпинча оқ кўйлак киймайди. Ушбу кийимнинг тугмачасиз, камар билан боғлаб қўйиладигани замонавий кўринишга ёрдам беради. Оқ кўйлак режалаштирилмаган, бизнес бўйича учрашувлар ва байрамона образ учун ҳам яхши танлов ҳисобланади.

Жинсилар

Жинси шимларни ҳам гардеробингиздаги кийимлар билан мослаштириш мумкин. Бироқ уни турли вазиятларга ва моделларига қараб танлаган маъқул. Ҳозирги мавсумда бойфриэнд, мом, скинни, тўғри кесилган шимлар урфда бўлади.

Қаймоқ рангли либослар

Ҳозирда қаймоқ рангли либослар урфга кирган. Ушбу рангдаги кийимларни бизнес учрашувлар, ижтимоий тадбирларда кийса бўлади. Улар билан бирга классик услубдаги кийимларни кийиш мумкин.

Катта ўлчамли свитер

Катта ўлчамли либослар ҳеч қачон урфдан қолмайди. Бир хил рангдан иборат, нақшли, V-бўйин шаклидаги, ёқаси узун свитерларни ҳам услубга мослаб бошқа кийимлар билан мослаштирса бўлади.

Қаймоқ рангли тренч

Классик услубдаги кийимларни яхши кўрувчилар учун қаймоқ рангли тренч яхши танлов бўла олади. Ушбу кийимни оқ рангли футболка ёки кўйлаклар, қора водолазка, жинси шимлар билан мослаштириб, кийса бўлади.

Қора костюм

Тўғри танланган қора костюм ҳам образнинг замонавий кўринишига ёрдам беради. Уни жинси шимлар, футболка, кўйлак ёки бошқа нарсалар билан мослаштириш мумкин. Сўнгги йилларда уни  калта топлар, қора водолазка ва рангли футболкалар билан бирга кийиш урфга айланди.