Бир неча оддий қадамлар нафақат қишки кийимларни яхши ҳолатда сақлашга, балки жойни тежашга ёрдам беради. Ҳаммаси оддий!
Қишки нарсаларни сақлаш учун йиғиш
Ишни саралашдан бошланг
Коридор шкафидан кийим-кечакларни олиб бир жойга йиғинг. Шапка, телпак, шарфлар, қўлқопларни унутиб қолдирманг.
Уларни 3 та турга ажратинг:
- Қуруқ тозалаш керак бўлган нарсалар;
- Ювиладиган нарсалар;
- Ва энди ҳеч нарсага ярамайдиган кийимлар — уларнинг жойи уйдан ташқарида.
(Дарвоқе, биз коридордаги шкафни деярли бўшатиб қўйдик: вақтдан фойдаланиб уни чангдан артиб ташлаймиз.)
Кир ювиш ва қуруқ тозалаш
Тўғри, унчалик кўп кийилмаган, кир бўлмаган кийимларни қайтадан ювиб, тозалашни хоҳламаслигингиз аниқ, лекин бу керак. Ҳар қандай кийимда дезодорантлар, парфюмерия, тер ҳиди, овқат қолдиқлари ва ҳоказолар қолади. Буларнинг барчаси ҳозир сезилмаслиги мумкин ва бир неча ойдан кейин доғлар пайдо бўлади ва уларни кетказиш жуда қийин бўлади. Шунинг учун агар сиз кийимингизни асрамоқчи бўлсангиз, уларни ювишингиз ва тозалашингиз керак бўлади. Пиджак ва палтоларнинг ёқаларига ва манжетларига алоҳида эътибор беринг.
Қишки кийимларни тўғри сақлаш
Жун ва тўқилган кийимлар
Улар пластик қопларда, кимёвий тозалаш пакетларида ва пластик идишларда сақланмайди. Бундай нарсалар “нафас олиши” керак, акс ҳолда, сиз келгусида улардан моғорланган, ёқимсиз ҳидни топасиз. Агар сиз аллақачон пластик кийим идишларини сотиб олган бўлсангиз, уларда ҳаво алмашиш учун тешиклар очинг. Сизда бундай идиш умуман йўқ бўлса, кийимларни чангдан ҳимоя қилиш учун тоза пахта ёстиқ жилдига йиғиб солиб, шкафларингизнинг юқори жавонларига қўйинг.
Энг оғир нарсаларни пастки қисмга ва енгилроқларини эса тепага қўйинг. Барча кийимларни мато турига кўра ажратган маъқул, юпқа блузкаларни жун свитерлар билан бирга қўйманг, акс ҳолда, улар жуда кўп ғижим бўлади. Айтганча, контейнерлар ва қутиларга нарсаларни вертикал равишда тахлашдан қўрқманг, улар шу тарзда яхшироқ сақланади ва деярли буришмайди. Чунки бу ҳолда ҳар бир нарсага минимал босим тушади.
Қутилар ва қопларни қоронғи, иссиқ бўлмаган, яхши шамоллатиладиган хонада сақланг. Қишки нарсаларни сақлаш учун ётоқ каравоти остидаги жойдан ҳам фойдаланишингиз мумкин.
Узун кийимлар
Шкафда жой бўлса, у ҳолда иссиқ жун кўйлаклар, палто ва плашларни олиш, умуман, тахлаб қўйиш керак эмас. Уларни бир томонга силжитиш (ёки бир қисмга осиб қўйиш) ва уларни шкаф илгичларида қолдириш яхшироқдир. Чанг бўлишидан қўрқсангиз, матоли ёпинчиқлардан фойдаланинг, лекин целлофан эмас ва қуруқ тозалаш воситаларини қоплайдиган плёнкадан ҳам эмас. Барча тугма ва чўнтакларни ёпганингизга ишонч ҳосил қилинг.
Кийимларни куялардан ҳимоя қилиш учун чўнтакларингизга уларга қарши восита солиб қўйинг. Уларни тайёрлаш жуда оддий: бир парча дока матосига хоҳишингизга кўра дафна япроғи, қалампир, ялпиз, лаванда баргларидан қўйиб тугунлаб боғланг.
Шапка ва шарфлар
Барча кийимларда бўлгани каби уларни ҳам яхшилаб ювинг ва қуритинг. Оддий поябзал қутилари уларни сақлаш учун жуда қўл келади. Бундай қутилар махсус идишлар ўрнига ишлатилиши мумкин. Ўз шаклини ушлаб туриши керак бўлган шапкаларни қоғоз билан тўлдирган ва букламаган маъқул.
Қишки поябзалларни сақлаш
Уларни ювиб тозалагач, яхшилаб қуришига ишонч ҳосил қилинг. Оёқ кийимларини махсус кремлаб, янада қуруқ бўлиши учун ичига истеъмол содали қопчаларни жойлаштиринг. Дарвоқе, табиий жундан тикилган оёқ кийим ва угги ботинкалари, шунга ўхшаш поябзалларни куя ейишни осонгина бошлаши мумкинлигини ёдда тутинг. Шу боис, этик солинган қутига, албатта, куя дори солишни унутманг.
Мавзуга доир:
Изоҳ (0)