АҚШ мамлакатга ноқонуний олиб келинган 2,5 минг йиллик саркофагни Мисрга қайтарди. Бу ҳақда Gizmodo хабар берди.
Мисрда қадимий ёдгорликларнинг ўғирланиши азалдан муаммо бўлиб келган ва Миср ҳукумати сўнгги йилликларда мамлакатдан ноқонуний олиб чиқиб кетилган минглаб артефактларни қайтариш устида ишламоқда. Саркофаг тобут турларидан бири бўлиб, қадимги Мисрда ишлатилган ва кўпинча мураккаб расмлар ҳамда ёзувлар билан безатилган.
Мисрга қайтарилган саркофагнинг узунлиги тахминан 9,5 футни ташкил қилади. Унда Миср ёзувида иэроглифлар чизилган ва тобут қопқоғида катта яшил юз акс этган. Мисрнинг Қадимий ёдгорликлар Олий Кенгаши аъзоси Мустафо Вазирий бу саркофаг сўнгги сулола даврига тегишли экани, яъни унинг ёши тахминан 2 500 йиллигини айтди.
«Бу тобут минтақадаги сон-саноқсиз қадимий ашёларни талон-торож қилган яхши ташкил этилган тармоқ томонидан ўғирланган. Объект Мисрга қайтарилишидан хурсандмиз», — деди Манхэттен округи прокурори Элвин Брегг.
Мавзуга доир: Олимлар Миср фиръавни Рамзес II нинг юзини қайта тиклади (видео)
Изоҳ (0)