“Чехия республикаси президенти лавозимида бўлиш муддатини бир марталик беш йил қилиб чеклаш мақсадга мувофиқ бўларди“, — деди янги давлат раҳбари Пётр Павел. Бу ҳақда “Novinky.cz” чех портали хабар берди.
“Фикримча, номзоднинг лавозимда бир муддат хизмат қилиши оқилона бўлар эди”, — деди Павел.
Унинг фикрича, давлат раҳбари лавозимига қайта сайланиш имконияти президентнинг иккинчи муддатда ўз вазифаларини тўлиқ бажармаслиги хавфини туғдиради. “Агар иккита муддат бўлса, президент иккинчи муддатга сайланиш ва иккинчи муддатдан баҳраманд бўлиш учун биринчи муддатда ўзини яхши тутишга мойил бўлиши табиий”, — деди Павел.
61 ёшли Пётр Павел Чехия республикасида бўлиб ўтган президентлик сайловларининг иккинчи босқичида барча овозлар санаб чиқилгач, 58,32 фоиз овоз билан ғалаба қозонди. Унинг рақиби собиқ бош вазир, бизнесмен ва популистик АНО (Норози фуқаролар акцияси) партияси раҳбари Андрей Бабиш эди, у 41,67 фоиз овоз тўплаган. Павелнинг инаугурацияси 9 март куни бўлиб ўтади.
Чехия Республикасида президент умумий овоз бериш йўли билан беш йиллик муддатга сайланади. Шу билан бирга, бир шахс давлат раҳбари лавозимини икки муддатдан ортиқ эгаллаш ҳуқуқига эга. Мамлакатда ҳақиқий ҳокимият бош вазир қўлида тўпланган. Шунга қарамай, айнан президент бош вазир ва ҳукумат номзодини тасдиқлайди, Конституциявий суд судьяликка номзодларни кўрсатади ва тайинланган номзодни тасдиқлайди.
Изоҳ (0)