“Chexiya respublikasi prezidenti lavozimida bo‘lish muddatini bir martalik besh yil qilib cheklash maqsadga muvofiq bo‘lardi“, — dedi yangi davlat rahbari Pyotr Pavel. Bu haqda “Novinky.cz” chex portali xabar berdi.
“Fikrimcha, nomzodning lavozimda bir muddat xizmat qilishi oqilona bo‘lar edi”, — dedi Pavel.
Uning fikricha, davlat rahbari lavozimiga qayta saylanish imkoniyati prezidentning ikkinchi muddatda o‘z vazifalarini to‘liq bajarmasligi xavfini tug‘diradi. “Agar ikkita muddat bo‘lsa, prezident ikkinchi muddatga saylanish va ikkinchi muddatdan bahramand bo‘lish uchun birinchi muddatda o‘zini yaxshi tutishga moyil bo‘lishi tabiiy”, — dedi Pavel.
61 yoshli Pyotr Pavel Chexiya respublikasida bo‘lib o‘tgan prezidentlik saylovlarining ikkinchi bosqichida barcha ovozlar sanab chiqilgach, 58,32 foiz ovoz bilan g‘alaba qozondi. Uning raqibi sobiq bosh vazir, biznesmen va populistik ANO (Norozi fuqarolar aksiyasi) partiyasi rahbari Andrey Babish edi, u 41,67 foiz ovoz to‘plagan. Pavelning inauguratsiyasi 9-mart kuni bo‘lib o‘tadi.
Chexiya Respublikasida prezident umumiy ovoz berish yo‘li bilan besh yillik muddatga saylanadi. Shu bilan birga, bir shaxs davlat rahbari lavozimini ikki muddatdan ortiq egallash huquqiga ega. Mamlakatda haqiqiy hokimiyat bosh vazir qo‘lida to‘plangan. Shunga qaramay, aynan prezident bosh vazir va hukumat nomzodini tasdiqlaydi, Konstitutsiyaviy sud sudyalikka nomzodlarni ko‘rsatadi va tayinlangan nomzodni tasdiqlaydi.
Izoh (0)