А Серия. “Наполи” ўз уйида “Лацио”га енгилди ва 2 ойлик мағлубиятсиз сериясига якун ясади

Футбол бўйича Италия А Сериясининг 25-турида “Наполи” 3 март, жума куни “Лацио”ни қабул қилди.

Учрашувнинг биринчи бўлимида дарвозалар дахлсиз қолди. 67-дақиқада Матиас Весино римликларни олдинга олиб чиқди. Бу гол амалда ўйин тақдирини ҳал қилди.

Шу тариқа Лучано Спалетти шогирдлари икки ой деганда илк бор мағлубиятга учради. Охирги марта “Наполи” 4 январь куни “Интер”га қарши баҳсда (0:1) енгилганди. Бу оралиқда неаполликлар 9 марта ғалаба қозонди ва битта дуранг қайд этди.

“Наполи” 65 очко билан мусобақа жадвалида якка пешқадам бўлиб турибди. Кетма-кет учинчи ғалабасини нишонлаган “Лацио” эса очколарини 48 тага етказиб олиб, иккинчи ўринга кўтарилди. Ушбу турдаги ўйинларини ўтказмаган Милан шаҳри жамоаларида 47 тадан очко бор.

А Серия

25-тур баҳси

3 март, жума

“Наполи” — “Лацио” 0:1

Гол: 0:1 – 67 Весино.

“Наполи”: Мерет, Ди Лоренцо, Рраҳмани, Ким Мин Же, Оливeра (Зедадка, 90), Лоботка (Ндомбеле, 82), Зелиньски (Симеоне, 82), Замбо-Ангисса (Элмаз, 71), Лосано (Политано, 71), Осимҳен, Кварацхелия.

“Лацио”: Проведел, Марушич, Габаррон, Романьоли, Ҳюсай, Луис Альберто (Каталди, 88), Весино, Милинкович-Савич, Фелипе Андерсон (Педро, 59), Закканйи (Канчелери, 82), Иммобиле.

Огоҳлантиришлар: Габаррон (21), Осимҳен (63), Элмаз (89), Марушич (90).