Кийимларни фаслларга қараб ажратинг, кичкина бўлиб қолган нарсаларни олиб қўйинг: Гардеробни тартибга солишга ёрдам берадиган 9 та лайфхак

Тез-тез гардеробингиздаги кийимларга қарайсиз ва ўзингизга мос кийиш учун ҳеч нарса топа олмайсизми? Бу гардеробингиздаги кийимларни тартибга солиш вақти келганидан далолат беради. “Новий очаг” нашри кийим жавонида бўш жой яратиш ҳақидаги маслаҳатларни тақдим этди.  

Шкафдаги ҳамма нарсани алоҳида қилиб ажратиб олинг

Кийим жавонингиздаги барча кийимларни ерга қўйинг ва уларни гуруҳларга ажратиб олинг. Масалан, сотиш, бошқаларга бериш, сақлаш, ташлаб юбориш учун нарсаларингизни алоҳида қилиб ажратиб қўйинг. Шкафни тозалаш анчадан буён қидириб юрган нарсаларингизни топишга ёрдам беради.

Янги кийим сотиб олгандан кейин эскиларидан воз кечинг

Янги кийим сотиб олганингиздан кейин, эскиларидан воз кечишга одатланинг. Акс ҳолда, сиздаги вариантлар кўпайиб кетади ва охир-оқибат ҳеч бири ўлчам, услубга мос келмайди.

Кийимларни тартибга солинг

Нарсаларни тоифаларга ажратинг ва уларни ранг бўйича тартибга солинг. Бу тонгда бир-бирига мос нарсаларни топишга ёрдам беради.

Майда нарсаларни тартибга келтиринг 

Камарни осиб қўйинг, пайпоқ ва ички кийим учун қутилар ёки бошқа мос идишларни сотиб олинг.

Кийимларни мавсумга мос равишда гуруҳларга ажратинг

Нарсаларни мавсумга мослаб гуруҳларга ажратинг, кийилмайдиган, фойдаланмайдиган нарсаларни йиғиштириб олиб қўйинг.

Осилиши керак бўлган нарсаларни осиб қўйинг

Масалан, зиғир, ипакдан тикилган либослар, трикотаж кийимлари, шунингдек, ғижим бўладиган нарсаларни кийим илгичга осиб қўйинг.

Оёқ кийимингизни ажратиб қўйинг

Оёқ кийим қутиларини сақлаш энг яхши вариант. Қути ичидаги поябзал жуфтини суратга олинг ва фотосуратларни қутининг ташқи томонига ёпиштириб қўйинг. Қутиси бўлмаган поябзаллар учун махсус қутилар сотилади.

Сумкаларни тўғри сақланг

Тери, замш ва оддийгина қимматбаҳо сумкалар вақт ўтиши билан деформацияланмаслиги ёки сифати ёмонлашмаслиги учун уларни чангдан сақловчи пакетларда яхши сақланади. Сумкалар қайси материалдан тайёрланганига эътибор қаратишни унутманг.

Ўзингизга ёққан нарсаларни бирдан сотиб олманг

Масалан, ўзингизга ёққан нарсаларни сотиб олишни ўйлаб кўринг. Айниқса, қиммат нарсалар ва катта нарсалар ҳақида гап кетганда бу масалага алоҳида эътибор қаратинг. Бу ҳамёндаги пулни ҳам, гардеробдаги жойни ҳам тежашга ёрдам беради.