Албатта, ташхисни тиббий текширувдан сўнг фақат шифокор қўяди. Ва бу аломатларнинг ҳар бири организмнинг бутунлай бошқа ҳолатлари билан боғлиқ бўлиши мумкин. Ваҳима қилишнинг ҳожати йўқ, сигналларни ўз вақтида билиш учун соғлиғингизга эҳтиёт бўлинг.
Бош оғриғи
Афсуски, ҳатто шифокор ҳам мигрен, бош оғриғи ва ўсмалар келтириб чиқарувчи оғриқлар ўртасидаги фарқни ҳар доим ҳам айта олмайди. Агар оғриқлар сизни ҳар куни қийнаса, улар узоқ давом этса ва интенсивлиги доимий равишда ўсиб бораётган бўлса, шифокор билан маслаҳатлашинг ва ундан сизни мия учун махсус тиббий тадқиқотларга юборишини сўранг.
Кўришнинг бузилиши
Беморларнинг ўзлари ҳам маълум бир нуқтага қадар билмаслиги мумкин бўлган яна бир яширин аломат — бу периферик кўришнинг бузилиши. Кўпинча бу аломат доимий равишда машина ҳайдайдиганларда учрайди — тўсатдан кўриш майдони тораяди. Шифокорлар айтганидек, кўпинча бу аломат гипофиз безида шиш пайдо бўлиши ҳақида огоҳлантириши мумкин.
Кучсизлик ва уйқучанлик
Миянинг мотор қобиғи ҳам бутун тана мушакларининг иши учун жавобгардир. Ва агар тўсатдан миянинг бу қисмида шиш пайдо бўлса, натижада миядан мушакларга сигналлар қийинчилик билан ёки умуман келмаслиги мумкин — сиз оёқ-қўлларда заиф ёки оғриқли реакцияни сезмай қоласиз. Бундан ташқари, бундай ўсмаларнинг аломати доимий заифлик ёки уйқучанлик бўлади.
Сўзларни топишда қийинчилик
Мия шишининг яна бир кенг тарқалган аломати сўзлашишдаги қийинчиликдир. Бемор сўзларни танлашда ҳам, суҳбатда ҳам қийналади. Масалан, тўсатдан дудуқланиш сизда шиш борлигининг белгиси бўлиши эҳтимолдан ҳоли эмас. Агар бирданига сизга тўғри сўзни “топиш” қийин бўлиб қолса, бу ҳам шифокорга учраш учун арзирли сабабдир.
Хулқ-атворнинг кескин ўзгариши
Ғазаб, ташвишланиш, руҳий тушкунлик — хатти-ҳаракатлардаги кескин ўзгаришлар ривожланаётган ўсма белгиси ҳам бўлиши мумкин. Шифокорлар фикрига кўра, миянинг фронтал қисмида локализация қилинган ўсма хатти-ҳаракатда ёки, ҳатто шахсиятда ўзгаришларга олиб келади: агар ўзингиз ёки яқинларингизда шунга ўхшаш нарсани сезсангиз, имкон қадар тезроқ шифокорга мурожаат қилинг.
Эшитиш қобилиятини йўқотиш
Эшитиш қобилиятини йўқотиш, нутқ ва товушларни танлаб олишда қийинчилик мия шишининг яна бир аломатидир. Бундан ташқари, қулоқларда (ёки битта қулоқда) шанғиллаш, шовқин огоҳлантириш аломатидир. Ўзингизда ушбу ҳолатни сезсангиз, шифокор ҳузурига боринг.
Ҳомиладорлик ва эмизишда қийинчилик
Гипофиз бези гормонлар, шу жумладан, репродуктив гормонлар ишлаб чиқариш ва даражасини назорат қилувчи мия қисмидир. Ва агар ўсма гипофиз безида локализация қилинган бўлса, аёллар ҳомиладор бўлишда ва лактация даврида турли қийинчиликларга дуч келишлари мумкин.
Мувозанатни йўқотиш
Мия бажарадиган ва шиш пайдо бўлганда бузилиши мумкин бўлган яна бир муҳим функция — бу ҳаракат ва мувозанат. Агар сизга яқин одамга юриш пайтида туртиниб-туртиниб кетаётган ёки тунда ҳаракат қилишда қийналаётган, тез-тез мувозанатни йўқотаётган бўлсангиз, албатта, шифокор билан маслаҳатлашинг!
Мавзуга доир:
Изоҳ (0)