Қашқадарё ва Жиззах вилоятида электрдан ноқонуний фойдаланган тадбиркорлар давлатга қарийб 250 миллион сўм зиён етказди. Бу ҳақда Иқтисодий жиноятларга қарши курашиш департаменти ахборот хизмати хабар берди.
Хабарга кўра, Бош прокуратура ҳузуридаги департаментнинг Зарбдор туман бўлими томонидан туман ЭТК ходимлари билан ҳамкорликда ўтказилган терговга қадар текширувда, фуқаро Ў.Х. “Нурафшон” МФЙдаги тадбиркор Х.А.га тегишли донни майдалаш хизматлари биносини ҳеч қандай ҳужжасиз умумий фойдаланишдаги электр тармоғига улаб, жами 150,8 миллион сўмлик электр энергиясидан ноқонуний фойдалангани аниқланган.
Шу каби, департаментнинг Кўкдала туман бўлими томонидан ўтказилган терговга қадар текширувда, “М.М.” оилавий корхонаси раҳбари З.Н. пахта титиш ва омухта ем ишлаб чиқариш цехини ўзбошимчалик билан электр тармоғига улаб, жами 97,3 миллион сўмлик электр энергиясидан ноқонуний фойдалангани аниқланган.
Мазкур ҳолатлар юзасидан Жиноят кодексининг 185-2-моддаси (электр, иссиқлик энергияси, газ, водопроводдан фойдаланиш қоидаларини бузиш) билан жиноят ишлари қўзғатилиб, тергов ҳаракатлари ўтказилмоқда.
Изоҳ (0)