Давлат статистика қўмитаси Ўзбекистон вилоятлари марказий ҳудудлари кесимида 2023 йилнинг февралида тайёр паловнинг ўртача нархларига оид маълумотларни эълон қилди.
Маълум қилинишича, энг қиммат палов Тошкент шаҳрида сотилган бўлиб, бир порцияси 27 200 сўм бўлган. Энг арзон ош эса Фарғона вилоятида — бир порцияси 19 000 сўмдан сотилган. Шу кунгача энг арзон палов Наманган вилоятида қайд этиб келинаётганди.
Қолган ҳудудлардаги ош марказларида сотилаётган бир порция паловнинг ўртача нархлари қуйидагича бўлган:
- Қорақалпоғистон Республикаси — 19 400 сўм;
- Андижон вилояти — 21 800 сўм;
- Бухоро вилояти — 22 400 сўм;
- Жиззах вилояти — 23 000 сўм;
- Қашқадарё вилояти — 23 400 сўм;
- Навоий вилояти — 20 400 сўм;
- Наманган вилояти — 19 300 сўм;
- Самарқанд вилояти — 24 000 сўм;
- Сурхондарё вилояти — 23 000 сўм;
- Сирдарё вилояти — 22 600 сўм;
- Тошкент вилояти — 21 700 сўм;
- Хоразм вилояти — 22 400 сўм.
Қўмита маълумотида келтирилишича, нархларни рўйхатга олувчи томонидан кузатув ўтказилган кун ва вақтдаги нарх-наво қайд этилиб, бунда вақт ва жойига қараб нархлар ўзгариб туради. Мазкур маълумотларнинг шаклланиши жараёнида фақатгина танлаб олинган умумий овқатланиш муассасалари (Ош марказлари)даги паловнинг ўртача нархлари ҳисобга олинган бўлиб, ресторан ва чойхоналардаги нархлар инобатга олинмаган.
Ўзбекистонда энг оммавий таом — ош нархлари тўғрисидаги маълумотларни шакллантирувчи “Палов индекси” 2020 йилнинг январидан жорий этилган. Ушбу маълумотларни шакллантиришда республиканинг барча ҳудудларида 1 килограмм палов тайёрлаш учун сарфланадиган масаллиқлар миқдори ўрганиб чиқилади. Шунга кўра, умумий овқатланиш муассасаларида бир порсия паловнинг ўртача нархи белгиланади.
Изоҳ (0)