Соғлиқни сақлаш вазирининг тегишли буйруғи билан Хуршид Ҳакимов Сирдарё вилояти соғлиқни сақлаш бошқармаси бошлиғи лавозимига тайинланди. Бу ҳақда Соғлиқни сақлаш вазирлиги ахборот хизмати хабар берди.
У Тошкент тиббиёт академиясининг бакалавр босқичини тамомлаган, Россиянинг А.Н.Бакулев номидаги юрак-қон томир жарроҳлиги миллий тиббиёт марказида бўйича таҳсил олган. 2020 йилдан бошлаб бир йил давомида Москва вилояти Егоревск марказий туман касалхонасида рентгенендоваскуляр хирург сифатида фаолият олиб борган.
2021 йилда Ўзбекистонга қайтиб, Республика ихтисослаштирилган кардиология илмий-амалий тиббиёт маркази Сирдарё вилояти минтақавий филиалида Рентгенендоваскульяр хирургия бўлими бошлиғи сифатида иш бошлаган. Хуршид Ҳакимов самарали фаолияти учун “Шуҳрат” медали ва “Соғлиқни сақлаш аълочиси” кўкрак нишони билан тақдирланган.
Изоҳ (0)