Uzbekistan Airways Лондонга авиақатновлар сонини оширмоқда. Бу ҳақда авиакомпания ахборот хизмати хабар берди.
Хабарга кўра, 26 мартдан бошлаб Uzbekistan Airways Тошкентдан Лондонга мунтазам авиақатновлар сонини оширади. Тошкент–Лондон –Тошкент авиақатновлари ҳафтасига уч марта – сешанба, жума ва якшанба кунлари амалга оширилади.
Сешанба ва жума кунлари HY201 Тошкент–Лондон ва HY202 Лондон–Тошкент рейслари қуйидаги жадвал асосида амалга оширилади:
- Тошкентдан учиш маҳаллий вақт (Тошкент) билан соат 11:10 да;
- Лондонга келиш маҳаллий вақт (Лондон) билан соат 14:50 да;
- Лондондан учиш маҳаллий вақт (Лондон) билан соат 16:20 да;
- Тошкентга келиш маҳаллий вақт (Тошкент) билан эртаси куни соат 03:10 да
Якшанба кунлари HY203 Тошкент–Лондон ва HY204 Лондон–Тошкент рейслари қуйидаги жадвал асосида амалга оширилади:
- Тошкентдан учиш маҳаллий вақт (Тошкент) билан соат 12:30 да;
- Лондонга келиш маҳаллий вақт (Лондон) билан соат 16:10 да;
- Лондондан учиш маҳаллий вақт (Лондон) билан соат 17:25 да;
- Тошкентга келиш маҳаллий вақт (Тошкент) билан эртаси куни соат 04:15 да.
Тошкент–Лондон йўналиши бўйича авиачипталар нархи 3 227 000 сўмдан, Тошкент – Лондон – Тошкент йўналишида эса 7 452 000 сўмдан бошланади. Авиачипталарнинг тақдим этилган нархлари 2023 йил 24 февраль ҳолатига кўра амал қилади.
Изоҳ (0)