Агар сотиб олган бананларингиз тез қорайиб, юмшоқ бўлиб қолганини сезсангиз, демак сақлашда хатоликка йўл қўйгансиз. Бу мева жуда тез пишади, бироқ сиз унинг янгилиги, қаттиқлиги ва ёрқин сариқ рангда бир неча кунгина сақлай оласиз, холос. Озиқ-овқат маҳсулотлари гигиенаси бўйича мутахассис Таш Блайт бананни узоқроқ сақлашга ёрдам берадиган маслаҳатларни тақдим этди.
Бананни полиэтиэлин пакетларда сақламанг
Банан кўплаб мевалар: олма ва шафтоли каби ўзидан этилен газини чиқаради, бу нафақат яқин атрофдаги бошқа мева ва сабзавотларнинг, балки ўзининг ҳам пишишига ёрдам беради. Агар банан ёпиқ полиэтилен пакетда сақланса, у ерда газ тўплана бошлайди ва мевалар тез қораяди.
Маҳсулотни юқори ҳароратда сақламасликка ҳаракат қилинг
Бананнинг пишиши ҳарорат юқори бўлган жойда тезлашади. Шунинг учун мевани тўғридан-тўғри қуёш нури остида, печка, батарея ва бошқа иситиш мосламалари ёнида сақламаслик керак. Бананларни хона ҳароратида, намликдан ва ҳарорат жуда иссиқ бўладиган жойлардан узоқроқ сақлаган маъқул. Бундан ташқари, бананларнинг узоқроқ сақлашни истасангиз, бошқа мева ва сабзавотлар яқинида сақламанг.
Бананни ёпишқоқ озиқ-овқат плёнкасига ўранг
Банан узоқ вақт сақланиши, қорайиб кетмаслиги ва жуда юмшоқ бўлиб қолмаслиги учун Tash Blayt уларни дастасидан ажратишни тавсия қилади. Бундай ҳолатда, ҳар бир бананни озиқ-овқат плёнкаси билан ўраган маъқул. Гап шундаки, этилен бананнинг поясидан чиқарилади ва плёнка газнинг тарқалишига тўсқинлик қилади.
Осиб қўйинг
“Агар бананларни алоҳида-алоҳида эмас, балки пакетларда сақлашни афзал кўрсангиз, махсус банан токчасини сотиб олинг. Бундай қурилма ҳаво айланишини яхшилаш орқали бананнинг пишишини секинлаштиришга ёрдам беради. Бундан ташқари, илгич ёрдамида столга тегиб турган банан қобиғидаги жигарранг доғларнинг олдини олиш мумкин”, — деб ёзади The Express нашри.
Tash Blayt’нинг сўзларига кўра, агар сиз ушбу маслаҳатларга амал қилсангиз, банан 16 кунгача яхши сақланиши мумкин. Бундай ҳолда бананда жигарранг доғлар пайдо бўлишидан қўрқмасангиз ҳам бўлади. Мутахассиснинг айтишича, мева пўстлоғининг қорайиши бананнинг ёмонлашганини англатмайди, бу унинг пишганлигини билдиради. Ҳаддан ташқари пишган бананлардан баъзи пишириқларни тайёрлашингиз мумкин.
Бундан ташқари, мутахассис пишган бананларни музлатгичга қўйиб ҳам узоқроқ сақлаш мумкинлигини айтган. У, шунингдек дўконда бир вақтнинг ўзида сариқ ва яшил бананларни сотиб олишни маслаҳат берди, шунда аввал сариқ бананларни ейишингиз ва яшил рангли бананларнинг пишишини кутишингиз мумкин.
Изоҳ (0)