Сиз гуручни яхши кўрасиз, бироқ семиришдан қўрқиб маҳсулотни истеъмол қилмайсизми? Гуручнинг калория миқдорини камайтириш мумкин, шунда бу вазн билан боғлиқ муаммоларни келтириб чиқармайди.
.jpg)
Гуруч жуда кўп миқдорда углеводларни ўз ичига олади. Бундан ташқари, маҳсулот юқори глисемик индексга эга, яъни у қондаги шакар миқдорини оширади. Шунинг учун диетологлар жигарранг гуручни истеъмол қилишни маслаҳат беради. Бироқ жигарранг гуруч пишириш учун кўпроқ вақт талаб этади ва унинг таъми ҳаммага ҳам ёқавермайди.
Шри-Ланкадан келган талабалар Америка Кимё Жамиятининг (АCС) йиллик конференциясида гуручнинг калориясини камайтирувчи усулни ўйлаб топганини маълум қилди. Агар гуруч бу усулда пиширилса, ундаги калория миқдори 50-60 фоизга камаяди.
Бунинг учун:
- Бир чой қошиқ кокос мойини қайноқ сувга солинг.
- Унга гуруч қўшинг ва одатдагидек пиширинг.
- Пишгандан сўнг, гуручни совитиб, музлаткичга камида 12 соатга қўйишни унутманг.
- Гуручни ейишдан олдин қайта иситишингиз мумкин.
Гуруч ҳазм бўладиган ва ҳазм бўлмайдиган (чидамли) крахмалдан иборат. Инсон танасида 2-тоифа крахмални ҳазм қилиш учун зарур бўлган ферментлар йўқ, шунинг учун у шакарга айланмайди ва ҳазм қилинганидан фарқли ўлароқ, қонга сингиб кетмайди.
Бу лайфхак ёрдамида пиширилган гуруч доимий усулда пиширилган гуручга қараганда 10 баробар кўпроқ ҳазм бўлмайдиган крахмалга ва 50-60 фоизга камроқ калорияга эга бўлади. Бу усулни макарон ва картошка билан ҳам синаб кўрсангиз бўлади. Синаб кўринг ва вазн йўқотинг.
Изоҳ (0)