Ушбу оддий фойдали маслаҳатлар автомобилингизнинг ишлаш муддатини узайтиришга ёрдам беради ва ҳайдашни янада қулай қилади.
Машина чироқларини ярқиратиш
Автомобиль фараларидаги ойналар сарғайган ва ранги ўчган бўлса, уни тиш пастаси билан сайқаллашга ҳаракат қилинг. Даставвал, фараларни чирк ва чангдан тозаланг. Кейин ойналарга кўп миқдорда тиш пастасидан суртиб чиқинг ва бутун юзалар бўйлаб тенг равишда ишқаланг. Кейин ойнани тоза мато билан артиб олинг.
Салондаги тирналишдан қолган нуқталарни бартараф этиш
Агар машина салонида юмшоқ қисмининг бирор жойи едирилиб ёки тирналишдан сўнг қолган нуқталар бўлса уларни ўша жойида қотириш керак. Акс ҳолда табиий шароитлар таъсирида улар ҳажми катталашиши мумкин. Бунинг олдини олиш учун нуқталарга рангсиз тирноқлар учун мўлжалланган лак суртинг.
Ўриндиқни созлаш
Агар машина бир вақтнинг ўзида бир нечта оила аъзолари томонидан фойдаланилса, сиз кўпинча ўтириш ҳолатини бўйингизга мос равишда созлашингиз керак бўлади. Ўзингизга осонроқ бўлиши учун ёпишқоқ рангли тасмадан бир бўлакни эшик остидаги жойга иккинчисини эса ўриндиққа ёпиштиринг. Автомобильга ўтирганингизда улар бир-бирига мос келгунча ўриндиқни сурасиз ва энди сониялар ичида керакли позицияни топа оласиз.
Смартфон қўйиш учун мослама
Смартфон учун қулай ўрнатиш мосламасини осонгина қўлда тайёрлаш мумкин. Бунинг учун сизга қоғоз қисқич, омбур, рангли ёпишқоқ тасма ва соч боғлайдиган резина керак бўлади. Катта қисқични олинг ва металл бириктиргичларни омбир ёрдамида 45 градус даража бурчак остида букинг. Қирраларни ёпишқоқ тасма билан ўранг. Тасма билан ўралган иккита томонни бирлаштириб резина боғични бир неча маротаба айлантириб боғланг. Тайёр бўлган мосламани автомобиль дефлекторига илдириб қўйинг.
Қувватловчи кабелни қулай сақлаш усули
Агар телефонингизни автомобилингиз аккумуляторидан қувватлантириш учун узун кабелдан фойдалансангиз ва у чалкашиб кетавериб сизни хуноб қилган бўлса, уни шу қадар осон қисқартиришга ҳаракат қилинг. Кабелни ручка бўйлаб маҳкам ўранг ва уни соч фени билан бир маромда қиздиринг. Ручкадан олишдан аввал яхшилаб совишини кутинг. Энди узун қувватловчи сим ихчам “спирал”га айланди. Синаб кўринг, фойдаланиш анча қулай!
Мавзуга доир:
Изоҳ (0)