“Телефонингиздан камида бир ярим метр узоқликда ухланг”. Машҳурларнинг уйқу ҳақидаги энг яхши маслаҳатлари

Яхши уйқу — инсоннинг саломатлиги, тетиклиги ва ўзини яхши ҳис қилишнинг калити ҳисобланади. Бироқ ҳамма ҳам етарли даражада ухлай олмайди. The Voice нашри машҳурларнинг соғлом ва яхши уйқу ҳақидаги маслаҳатларини тақдим этди.

Женнифер Энистон

Актриса Женнифер Энистон интервьюларининг бирида: “Маслаҳатим телефонингиздан камида бир ярим метр узоқликда ухланг. Бу яхши ухлашга жуда кўп ёрдам беради”, — деб айтган.

Мерайя Кери

Хонанда ҳавони намлантирувчи воситалар бўлган хонада ухлайди ва ётоқхонасини саунага қиёслайди. Maxсус пардалар Мерайянинг терисига томчилар тушишидан ҳимоя қилади.

Том Круз

Актёр узоқ вақт давомида уйқу билан боғлиқ муаммоларни бошдан кечирди ва хонасини снораториум билан жиҳозлади, Том овоз ўтказмайдиган кичик қоронғи хонада ухлайди.

Леа Мишел

Актрисанинг яхши ухлаш борасидаги сири оддий, у уйқугаг ётишдан ярим соат олдин бир пиёла лимонли чой ичиш керак, деб ҳисоблайди.

Гвинет Пелтроу

Актриса ўз дўкони учун ўйлаб топадиган ғалати нарсалар унинг мухлислари томонидан кенг муҳокама қилинади, лекин у ҳақиқатан ҳам соғлом турмуш тарзи ҳақида кўп нарсаларни билади. Гвинет ҳар кеча уйқуга ётишдан олдин душ қабул қилади.

“Бу мени тинчлантиради ва ортиқча энергиядан халос бўлишимга ёрдам беради. Менда барча турдаги тузлар, мойлар ва скраблар бор, сузишни жуда яхши кўраман.

Миранда Керр

Модель ухлашдан олдин лаванда спрейидан фойдаланади. “Мен ёстиққа ва юзимга лавандадан тайёрланган спрейни сепаман, бу менинг ритуалим. Лаванда тинчлантиради ва тезроқ ухлашга ёрдам беради”, — дейди Миранда.

Галь Гадот

Актриса уйқуга ётишдан олдин бир стакан апельсин шарбатини ичади, унда кўп миқдорда C витамини мавжуд. Бундан ташқари, у ухлашдан олдин доим макияжини тозалайди ва шу билан дам олади.