Режиссёр Жеймс Кемерон “Аватар”дан ташқари кейинги ижодий режалари ҳақида гапириб берди. У ҳали ҳам Хиросима ва Нагасаки шаҳарларида атом бомбасининг фалокатли портлаши ҳақида фильм суратга олиш ниятида эканини билдирди.
.jpg)
Фильм Чарльз Пеллегринонинг “Хиросимадан чиққан сўнгги поезд: Омон қолганлар орқага қарашади” китоби асосида суратга олинади, унинг ҳуқуқларини Кемерон 2010 йилда қўлга киритган. Кинокартинада иккала портлашдан омон қолган ягона инсон Цутому Ямагучи билан бўлган интервью ҳам намойиш этилади.
“Биз аввалгидан ҳам беқарор дунёда яшаяпмиз. Ўйлайманки, Хиросима фильми кўпроқ вақтни олмаса ҳар доимгидек ўз вақтида намойиш этилади. Бу бизга қуроллар инсонларга қарши ишлатилганда нима оқибатларга олиб келишини эслатиб туради”, — дейди Кемерон LA Times газетасига берган интервьюсида.
Кемероннинг “Аватар: Сув йўли” фильми расман “Титаник”ни ортда қолдириб, барча даврларнинг энг кўп даромад келтирган учинчи фильмига айланди. “Аватар-3” кинокартинаси 2024 йилнинг охирида катта экранларга чиқаришилиши режалаштирилган. Ушбу лойиҳанинг тўртинчи қисми 2026 йилда, бечинчи қисми эса 2028 йилда кинотеатрларга чиқарилади.
Изоҳ (0)