Сурхондарё вилоятининг собиқ ҳокими Тўра Боболов Савдо-саноат палатаси раисининг биринчи ўринбосари лавозимида иш бошлади. Бу ҳақда палата сайтида эълон қилинган хабарда келтирилган.
Шунингдек, Тўра Боболов Ўзбекистон—Озарбайжон ишбилармонлар кенгаши ҳамраиси ҳамдир.
24 февраль куни Тошкентда ўтказилган йиғилишда Тўра Боболов, Озарбайжон Тадбиркорлар (иш берувчилар) ташкилотлари миллий конфедерацияси президенти ва ишбилармонлар кенгаши Озарбайжон томони ҳамраиси Вугар Зейналов, турли вазирлик ва идоралар, шунингдек, ишбилармон доиралар вакиллари иштирок этгани таъкидланган.
Тўра Боболов бошқа ишга ўтиши муносабати билан Сурхондарё вилояти ҳокими лавозимидан озод этилганди. Маълумот учун, у 2019 йилнинг май ойида Сурхондарё вилояти ҳокими вазифасини бажарувчи этиб тайинланган эди. Тўра Боболов 2020 йил январь ойида расман вилоят ҳокими лавозимига тасдиқланган.
Изоҳ (0)