Германия мудофаа вазири Борис Писториус Германия, Америка ва Польша ҳарбийлари Польшада қўшма машғулотлар ўтказишини маълум қилди, деб хабар бермоқда “РБК”.
Манёврлар тез орада бошланиши мумкин, улар Болтиқбўйи ва Шарқий Европа давлатларини қўллаб-қувватлаш белгиси бўлиб, Германия ва Қўшма Штатлар НАТО аъзолари сифатида мудофаа мажбуриятларини бажараётганини кўрсатади; улар, шунингдек, Россия президенти Владимир Путинга “НАТО у ўйлагандек кучсиз эмас” деган аниқ сигнал юборади, деди Писториус.
Вазирнинг сўзларига кўра, Шимолий Атлантика алянси Украинада жанговар ҳаракатлар бошланишидан олдинги даврга қараганда “анча кучлироқ ва бирлашган”.
Писториус, шунингдек, Германия мудофаа бюджетини ошириш тарафдори. Январь ойи бошида Франкфуртер Аллгемеине Zeitунг газетаси 2023 йилги бюджетда 50 миллиард евролик ҳарбий бюджет ва армия лойиҳаларига 100 миллиард евро махсус жамғармага қарамай, мамлакат Мудофаа вазирлиги ҳарбий машғулотлар учун жуда кам маблағ ажратгани ҳақида хабар берган эди. Газетанинг ёзишича, манёврлар нархи 340 миллион еврога баҳоланган, вазирлик эса атиги 253 миллион евро ажратган.
Bloombergънинг ёзишича, Украинани қўллаб-қувватлашга сарфланган харажатлар туфайли мамлакат 2024 йилда ҳарбий бюджетни камида 10,7 миллиард еврога ошириши керак. Писториус мудофаа саноатига янада кўпроқ маблағ киритишни талаб қилмоқда.
Аввалроқ Германия канцлери Олаф Шольц Германия Украинага АҚШдан кейин иккинчи йирик донор давлат эканини айтганди. 2022 йилда Берлин Киевга 12 миллиард евродан ортиқ ёрдам кўрсатди.
Изоҳ (0)