Чехия президенти Пётр Павел Владимир Путин ва Адолф Гитлернинг ҳаракатлари ўртасида ўхшашлик борлигини айтди. Бу ҳақда А News хабар берди.
Сиёсатчи Прагада минглаб Украина тарафдорлари иштирок этган намойиш якунида бу ҳақда нутқ сўзлади.
“Ўшанда Иккинчи жаҳон уруши олдидан Гитлер ўзини Путин ҳозир Украинага нисбатан қандай туца, худди шундай тутган”, — деди у.
Павел Гитлер Чехословакиянинг Судет ҳудудларидаги немис миллий озчилигидан нафрат уйғотиш ва зўравонликни қўзғатиш учун фойдаланганини эслади. Унинг сўзларига кўра, Москва Украинага бостириб киришни гўёки у ерда русийзабон аҳолига зулм қилгани билан ҳам оқлайди.
Германия нацистлари 1938 йил сентябрдан Мюнхен келишувига кўра, асосан немислар яшайдиган Судет ҳудудини аннексия қилиб олган. Бир неча ой ўтгач, 1939 йил март ойида унинг қўшинлари Чехословакиянинг қолган қисмига бостириб кирган. Иккинчи жаҳон уруши ўша йилнинг 1 сентябрида Польшага бостириб кириш билан бошланган.
Маълумот учун, Пётр Павел 9 март куни Милош Земаннинг ўрнига Чехия президенти лавозимини эгаллади. НАТОнинг собиқ генерали январь ойи охиридаги сайловларнинг иккинчи босқичида 58,3 фоиз овоз билан собиқ бош вазир Андрей Бабишни мағлуб этганди.
Изоҳ (0)