La Liga. “Real” Madrid derbisida “Atletiko” bilan durang o‘ynadi

Futbol bo‘yicha Ispaniya La Ligasining 23-turida “Real” va “Atletiko” 25-fevral, shanba kuni o‘zaro to‘qnash keldi.

Madrid derbisining birinchi bo‘limida darvozalar daxlsiz qoldi. Ikkinchi bo‘limda esa “matraschilar” bir kishi kam bo‘lib o‘ynadi. 64-daqiqada Anxel Korrea qizil kartochka olib, maydonni tark etdi. 78-daqiqada Xose Ximenes Antuan Grizmanning uzatmasidan so‘ng bosh bilan Kurtua darvozasini ishg‘ol qildi. 85-daqiqada Alvaro Rodriges muvozanatni tikladi. O‘yin 1:1 hisobidagi durang natija bilan yakunlandi.

“Real” ochkolari sonini 51 taga yetkazib, 2-o‘rinni egallab turibdi. Diyego Simeone jamoasi esa 42 ochko bilan 4-pog‘onani band etgan.

La Liga

23-tur bahsi

25-fevral, shanba

“Real” – “Atletiko” 1:1

Gollar: 0:1 – 78 Ximenes, 1:1 – 85 Rodriges.

“Real Madrid”: Kurtua, Karvaxal (Vaskes, 83), Ryudiger, Militao, Nacho (Rodriges, 77), Kroos (Kamavinga, 63), Sebalyos (Modrich, 63), Valverde, Benzema, Asensio (Tchuameni, 63), Vinisius Junior.

“Atletiko”: Oblak, Molina, Savich, Ermoso, Reynildu (Ximenes, 23), Lyorente (Lemar, 57), Saul (Morata, 76), Koke (Vitsel, 77), Barrios (Korrea, 46), Karrasko, Grizmann.

Ogohlantirishlar: Militao (7), Koke (22), Lyorente (36), Nacho (56), Molina (71), Modrich (90).

Chetlatish: Korrea (64).