Странжа—2023. Ҳасанбой Дўстматов, Баҳодир Жалолов ва яна 10 нафар ўзбекистонлик финалда, 6 нафар боксчи бронза билан кифояланди 

Болгариянинг София шаҳрида бокс бўйича Странжа—2023 мусобақасининг олтинчи кунги жанглари якунланди.

25 февраль куни 18 нафар ўзбекистонлик боксчи ўз жангларини ўтказди. 11 нафар ўзбекистонлик боксчи ўз жангларини ғалаба билан якунлади ва финал йўлланмасини қўлга киритди. Баҳодир Жалоловнинг ярим финалдаги рақиби ҳам жангга чиқмагани сабабли, тўғридан тўғри финалга йўл олди. Хадичабону Абдуллаева, Шунқор Абдурасулов, Дилшод Абдумуродов, Нурислом Исмоилов, Хавасбек Асадуллаев ва Жасурбек Йўлдошевлар эса мағлубиятга учраб, бронза медали билан кифояланди. 

• -48 кг: Саидахон Раҳмонова - Калаивани (Ҳиндистон) 5:0 ғалаба
   
• -63 кг: Хадичабону Абдуллаева - Кеона Сам-Син (Нидерландия) 2:3 мағлубият
   
• -48 кг: Шодиёржон Мелиқўзиев - Ергунал Себатин (Болгария) 3:2 ғалаба
   
• -51 кг: Ҳасанбой Дўстматов - Жимао Жанг (Хитой) 4:1 ғалаба
   
• -54 кг: Миразизбек Мирзахалилов - Федерико Серра (Италия) 3:2 ғалаба
   
• -60 кг: Шунқор Абдурасулов - Радослав Росенов (Болгария) 1:4 мағлубият
   
• -60 кг: Адҳамжон Муҳиддинов - Дилшод Абдумуродов 5:0
   
• -63,5 кг: Руслан Абдуллаев - Макс Макклери (Австралия) 5:0 ғалаба
   
• -63,5 кг: Мужибилло Турсунов - Эмило Гарсия (АҚШ) 4:1 ғалаба
   
• -67 кг: Асадхўжа Мўйдинхўжаев - Гурген Maдoян (Арманистон) 5:0 ғалаба
   
• -67 кг: Бекзод Ҳамидов - Себастьян Тертерян (Дания) 5:0 ғалаба
   
• -71 кг: Нурислом Исмоилов - Эрдемир Тугрулхан (Туркия) 0:5 мағлубият
   
• -71 кг: Саиджамшид Жаъфаров - Николай Тертерян (Дания) рақиб 1-раунддан сўнг жангни давом эттиришдан бош тортди
   
• -75 кг: Хавасбек Асадуллаев - Виллиам Чолов (Болгария) 2:3 мағлубият
   
• -80 кг: Жасурбек Йўлдошев - Робби Гонсалес (АҚШ) 0:5 мағлубият
   
• -86 кг: Шоҳжаҳон Абдуллаев - Георги Кушиташвили (Грузия) 5:0 ғалаба
   
• +92 кг: Баҳодир Жалолов - Муҳаммад Абдуллаев (Озарбайжон) рақиб жангга чиқмаганлиги сабаб, Жалолов финалга йўл олди.