Бош прокуратурада Халқаро-ҳуқуқий бошқарма бошлиғи Р.Гиясов ва АҚШ Федерал тергов бюроси вакиллари ўртасида учрашув бўлиб ўтди. Бу ҳақда идора матбуот хизмати хабар берди.
Қайд этилишича, учрашувда томонлар идоралар ўртасидаги алоқаларни мустаҳкамлашга қаратилган бир қатор йўналишларни муҳокама қилган, хусусан, уюшган жиноятчилик, жиноий ишлар доирасида ҳуқуқий ёрдам кўрсатиш, экстрадиция ва шу каби соҳаларни таъкидлаб ўтган.
Шу билан бирга, икки идора ўртасида имзоланган англашув меморандуми қоидаларининг ижросини таъминлаш мақсадида тайёрланган Ҳамкорлик дастури лойиҳаси юзасидан фикр алмашилган.
Мазкур учрашувда Р.Гиясов АҚШ ФТБнинг вакили Э.Жонснинг Ўзбекистондаги фаолияти якунлангани сабабли, унга икки давлат идоралари ўртасидаги ҳамкорликни ривожланишига хизмат қилган фаолияти учун миннатдорчилик билдирган.
Шунингдек, АҚШнинг Тошкентдаги элчихонасидаги Федерал тергов бюроси (ФTБ) вакили сифатида тайинланган Ф.Тенсининг фаолиятида зафарлаб тиланиб, Бош прокуратура ва АҚШ ФTБ ўртасидаги муносабатларни янада мустаҳкамланиш ҳамда янги даражага чиқишига ишонч билдирган.
Эслатиб ўтамиз, 2022 йил июлда Жонатан Хенник АҚШнинг Ўзбекистондаги янги элчиси этиб тасдиқланганди. Собиқ элчи Розенблюм АҚШнинг Қозоғистондаги элчиси этиб тайинланган.
Изоҳ (0)