Уйни кўп вақт ишлатмасдан тозалаш ҳам мумкин. Бунинг учун ишларни режалаштириб, вақтни тўғри тақсимлаш керак. Lifehacker нашри 5 дақиқада уй тозалашнинг усуллари ҳақида маълумот берди.
.jpg)
Ёқимсиз ҳидлардан халос бўлинг
Истеъмол содасини олиб, гиламлар, юмшоқ мебеллар, матрасларга сепинг. Вақт ўтгунча бошқа ишлар билан машғул бўлинг. Сўнгра жиҳозлардаги чангни тозалаб олинг. Сода ёқимсиз ҳидларни кеткизади ва жиҳозлар янги кўринишга эга бўлади.
Қўлингиздаги ёпишқоқ ролик билан уйни тозалаб олинг
Ушбу восита кийимдаги жун ва соч толаларидан халос бўлишга ёдам беради. У турли бурчакларда тўпланган чанг, майда чиқиндиларни тозалашга ёрдам беради. Абажурлар, юмшоқ ўйинчоқлар, сумкалар астарлари ва сиз унчалик аҳамият бермайдиган бошқа жойларни тозалаш учун роликдан фойдаланинг.
Уй ҳайвонларининг тукларидан халос бўлинг
Резина қўлқоп кийиб уларни намланг. Қўлингизни қопламалар, ёстиқлар ва кийим-кечаклар устига юргизинг. Жун ҳўл каучукга осонгина ёпишади ва уни ювиб яна осонгина ишлатишингиз мумкин.
Плиталарни чангдан тозаланг
Бу ишни ҳатто эгилмасдан ҳам қилишингиз мумкин. Эски пайпоқни кийинг, уни тозаловчи восита ёки сув билан намлаб плиталарни артиб олинг.
Гаджетларингизни тозаланг
Масофадан бошқариш пульти, смартфон, компьютер клавиатураси бактериялар манбалари ҳисобланади. Уларни антибактериал салфеткалар билан тозалаб олинг. Тозаланган қурилмалардан фойдаланиш янада ёқимли ва хавфсизроқ бўлади.
Қандилларни тозаланг
Бир мато бўлагини идиш ювиш воситаси ва сув билан намлаб олинг. Уйдаги барча қандилларни ва лампаларни артиб олинг. Агар сизда беш дақиқадан кўпроқ вақт бўлса, лампочкаларни ҳам артиб олинг (аввал уларни ечиб олинг). Қандиллар ва лампаларни тозалагандан сўнг кечқурун хонадаги ёруғлик янада ёрқинроқ бўлганини сезасиз.
Идиш ювиш машинасидан фойдаланинг
Пластмасса, шиша, металл буюмлар ва ҳатто баъзи гардероб буюмлари — кўп нарсаларни қўлда тозалаш шарт эмас. Масалан, идишларни ювиш машинасида бейсбол қалпоқларини ювиш мумкин. Бироқ болалар ва уй ҳайвонлари ўйинчоқлари, тароқлар, силикон пишириш идишлари ва ошхона шимгичларини бу жиҳозда ювиб бўлмайди.
Узоқ вақт давомида (ёки ҳеч қачон) тозаланмаган барча нарсаларни тўпланг ва идишларни ювиш машинасига солинг. Оддий ювиш циклини ишга туширинг.
Ҳужжатларни ташлаб юборинг
Почта қутисидаги газеталар, буклетлар ва варақалар, коммунал тўловлар қоғозлари — буларнинг барчаси бир неча ой давомида коридордаги жавонда ёки ошхона столида тўпланиб қолиши мумкин. Шу каби керакциз қоғозларни тўплаб, ташлаб юборинг.
Ошхонадаги столларни ювинг
Ошхона столи юзаларида қолдиқлар ва озиқ-овқат зарралари тўпланади, доғлар қолади. Мато бўлагини идиш ювиш воситаси билан намлаб олинг ёки дезинфекцияли салфеткалардан фойдаланинг. Овқатланадиган столларни тахтагичларни артиб олинг. Ошхона тоза ва қулайроқ бўлади.
Нарсаларни ўз жойларига қўйинг
Уй юзидаги кийимларни шкафларга тахлаб қўйинг. Ишлатилган стаканларни ювиб қўйинг ва ўйинчоқларни тортмага солинг. Бир хонани тозалаб бўлгандан кейин иккинчисига ўтинг ва жойида бўлмаган ҳамма нарсани олиб, тахлаб қўйинг. Уй тезда тоза кўринишга эга бўлади.
Изоҳ (0)