Туркиянинг Газиантеп вилоятидаги Нурдағи, Ислаҳие шаҳарлари, Қаҳрамонмараш ҳамда Ҳатай вилоятидаги вайронларга айланган кўп қаватли уйлар 1999 йилгача қурилган уйлар экани маълум бўлди. Бу ҳақда Туркия атроф-муҳит, урбанизация ва иқлим ўзгариши вазири Мурат Курум маълум қилди.
“Бу зилзилада вайрон бўлган биноларнинг 98 фоизи 1999 йилдан олдин қурилганини ва уларда турар жой биноларини техник кўрикдан ўтказиш хизматидан фойдаланилмаганини аниқладик”, — дейди вазир.
Таъкидланишича, улар биноларнинг ёши, хонодонлари ва зарарига оид ҳар бир маълумотни қайд қилиб бормоқда.
“Шунингдек, биз зарарни баҳолаш бўйича тадқиқотларимиз билан жиддий бино инвентарини яратмоқдамиз”, — дейди вазир Мурат Курум.
Изоҳ (0)