Ўзбекистон Президентининг 22 февралдаги қарорига асосан полковник Шавкат Раҳмонов ички ишлар вазирининг биринчи ўринбосари — Тезкор-қидирув департаменти бошлиғи лавозимига тайинланди. Бу ҳақда вазирлик матбуот хизмати хабар берди.
Тайинловга қадар Шавкат Раҳмонов Наманган вилояти Ички ишлар бошқармаси бошлиғи, ундан олдин эса Самарқанд вилояти ИИБ бошлиғи лавозимларида хизмат қилган.
Эслатиб ўтамиз, 2022 йил октябрда ички ишлар вазирининг шахсий таркиб бўйича буйруғи билан лавозим тайинловлари амалга оширилганди. Ўшанда Қорақалпоғистон Республикаси ички ишлар вазирига ўринбосар, Сирдарё, Сурхондарё, Фарғона вилоятлари ИИБ бошлиқларига ўринбосарлар тайинланганди.
