Uzbekistan Airports йўловчиларни кутиб олувчилар учун Тошкент халқаро аэропортининг учиб келиш зали ёнидаги П2 ва П3 автотураргоҳларида иккита янги ҳудуд қуришга қарор қилгани ҳақида хабар берилганди. Авиакомпания ахборот хизматининг маълум қилишича, қурилиш ишлари бошланди.
Хабарга кўра, Тошкент халқаро аэропортининг учиб келиш терминали олдида кутиб олувчилар учун ҳудуд қурилиши бошланди. Режалаштирилган иккита кутиш жойидан биринчиси мавжуд шийпон ўрнига қурилади. Қурилиш ишлари март ойи охиригача якунланиши режалаштирилган.
Қурилиш ишлари муносабати билан терминал олдидаги тўсиқдан яшил ҳудудгача бўлган ҳудуд баннер билан ўраб қўйилган. Йўловчиларнинг шаҳарга чиқиши вақтинча П2 автотураргоҳи орқали (кетиш ва келиш терминаллари ўртасида) амалга оширилади.
Изоҳ (0)