Полковник Шуҳрат Алиев 23 февраль куни Наманган вилояти Ички ишлар бошқармаси бошлиғи этиб тайинланди. Бу ҳақда вазирлик ахборот хизмати хабар берди.
Қайд этилишича, ички ишлар вазири, генерал-лейтенант Пўлат Бобожонов томонидан Наманган вилоятида ички ишлар органларининг хизмат фаолиятига оид тезкор йиғилиш ўтказилган.
Йиғилишда ташкилий масалалар кўрилди. Маълум қилинишича, ички ишлар вазирининг буйруғи билан Наманган вилояти Ички ишлар бошқармаси бошлиғи лавозимига полковник Алиев Шуҳрат Ҳасанович тайинланди.
Вилоят ҳудудида содир этилаётган жиноятларнинг таҳлилидан келиб чиқиб, криминоген вазиятни янада барқарорлаштириш мақсадида ҳар бир туман-шаҳар ИИБ бошлиқлари ва мазкур ҳудудларга бириктирилган вилоят ИИБ раҳбар ходимлари томонидан маҳаллаларни жиноятчиликдан холи ҳудудларга айлантириш, аҳолини рози қилиш, уларнинг мурожаатлари ечимига эътибор қаратиш, мавжуд муаммоларни аниқлаш ва уларни бартараф этиш бўйича вазифалар белгиланган.
Изоҳ (0)