Тошкент шаҳар Чилонзор туманида 11-синф ўқувчиси “параллел” синфдошини пичоқлаб қўйди. Бу ҳақда Бош прокуратура матбуот хизмати “Дарё”га маълум қилди.
Хабарга кўра, ҳолат 21 февраль куни соат, тахминан, 11:20 ларда Чилонзор тумани 3-мавзеда жойлашган 162-сонли мактабда содир бўлган. Шу мактабнинг 11-V синф ўқувчиси — 2005 йил 1 август куни Қашқадарё вилоятида туғилган, Чилонзор туманида яшовчи А.С. ушбу мактабнинг 11-А синф ўқувчиси —2005 йил 24 март куни Сурхондарё вилоятида туғилган И.Р. билан 3-дарс тугаганидан сўнг мактаб 1-қаватининг ҳожатхонаси олдидаги йўлакда жанжаллашган.
Келиб чиққан келишмовчилик натижасида А.С. ўзи билан олиб юрган ошхона пичоғи билан И.Р. қорин қисмига бир марта уриб, тан жароҳати етказган. Республика шошилинч тез ёрдам илмий марказининг маълумотномасига асосан И.Р.да қорин олди деворини тешиб кирувчи кесилган санчилган жароҳати борли аниқланган.
Мазкур ҳолат бўйича С.А.га нисбатан Жиноят кодексининг 104-моддаси 2-қисми “л” банди билан жиноят иши қўзғатилиб, дастлабки тергов ҳаракатлари олиб борилмоқда.
Изоҳ (0)