Бирлашган Араб Амирликларида бўлиб ўтаётган IDEХ кўргазмасида Туркиянинг энг катта ТAI Аksungur дрони намойиш қилинди. Бу ҳақда Times Aerospace хабар берди.
ТAI Aksungur икки двигателли, ўрта баландликда учувчи дрон бўлиб, осмонда узоқ вақт туришга ва оғир юкларни кўтаришга қодир. Aksungur ҳарбий мақсадлар учун мослаштирилган Аnkа-S фуқаролик дронининг давомчиси ҳисобланади. Дрон ҳавода 12 соатгача туриши ва қўшинлар учун зарур бўлган ярим тоннагача техникани олиб юриши мумкин.
Aksungur дрони Тusas Engine Industries (ТEI) PD-170 жуфт турбо дизел двигателлари билан жиҳозланган. Уларнинг ҳар бири дроннинг уч қанотли винтларини бошқаради. Дрондан нафақат юк ташиш, балки разведка миссияларида ҳам фойдаланиш мумкин. Мазкур миссияларда дроннинг ҳаводаги парвоз вақти икки баравар кўпаяди, яъни деярли бир кунлик доимий парвозгача.
Прототипнинг биринчи парвози тўрт йил аввал бўлиб ўтган ва ишлаб чиқариш 2020 йилда бошланган. Ҳозирда бундай дронлар Туркия денгиз флотида хизмат қилмоқда, Жазоир эса ўз армиясига яна олтитасини буюртма қилган.
Дроннинг умумий хусусиятлари:
Узунлиги — 12,0 м
Қанотлари кенглиги — 24,0 м
Вазни — 1800 кг
Максимал учиш оғирлиги — 3300 кг
Изоҳ (0)