Қирғизистонда Халқаро ишлар, мудофаа, хавфсизлик ва миграция қўмитаси йиғилишида депутат Адахан Мадумаров Ўзбекистон раҳбарининг президентлик фаолиятини мақтаб, Садир Жапаровнинг фаолиятини танқид қилди. Бу ҳақда 24.kg хабар берди.
.jpg)
Халқ депутатига кўра, Қирғизистон президенти ўз ташрифларида, асосан, юридик кучга эга бўлмаган меморандумларни имзолайди. Депутат ташқи ишлар вазири Жеенбек Қулубоевдан давлат раҳбарининг хорижий ташрифлари якунлари ҳақида сўради.
“Биз президентнинг ташрифлари ҳақида оммавий ахборот воситалари орқали хабар топамиз. Сиз ҳам ҳозиргина хорижга бир неча бор ташриф бўлганини айтдингиз. Ушбу ташрифларнинг афзалликлари нимада? Кейин саккизта ҳужжат имзолангани, уларнинг еттитаси меморандум экани ҳақида хабар беришди. Улар юридик кучга эга эмас. Шартнома ҳақида ҳеч қандай гап йўқ”, — дейди у.
Жеенбек Қулубоев бунга жавобан натижалар ташрифга боғлиқлигини айтди. Депутат Адахон Мадумаров сиёсий мулоқотни йўлга қўйиш президентнинг эмас, Ташқи ишлар вазирлигининг иши эканини таъкидлаб, эътироз билдирди.
“Нега Ўзбекистон раҳбари ташрифини уч-тўрт ойга чўзди? Ўзбекистон раҳбари ҳар бир детални нуқта-вергулгача аниқлаштиргандан сўнг Қирғизистонга етиб келди. Бизникилар телефон орқали таклиф қилишса ҳам боради. Жаноб Мирзиёевнинг дастлабки бешта ташрифи якунлари бўйича 52 млрд долларлик инвестиция келишуви имзоланди. Бу президентнинг ишлаш қобилияти ҳисобланади. Биз эса фақат фотосуратларни кўрамиз”, — дея хулоса қилди у.
Изоҳ (0)