Футбол бўйича Осиё Чемпионлар Лигасининг 1/8 финалида “Насаф” 19 февраль, якшанба куни “Аш-Шабоб”га қарши баҳс олиб борди.
Учрашувни қаршилик футболчилар фаол бошлади, бироқ биринчи бўлиб тўп киритиш саудияликларга насиб этди: Ҳусайн ал-Қаҳтонининг зарбасидан кейин тўп рикошетга учраб, Абдувоҳид Неъматов дарвозасидан жой олди.
Иккинчи бўлим бошида Эвер Банега жарима майдони ташқарисидан аниқ зарба йўллаган ҳолда, ҳисобни 2:0 кўринишига келтирди. Қолган вақтда Ар-Риёд жамоаси вазиятни назорат қилди ва учрашув якунига қадар ҳисобни ушлаб қолди.
Шу тариқа “Насаф” ОЧЛ 2022/23 йилги мавсумидаги юришини тўхтатди. “Аш-Шабоб” эса кейинги босқичга йўл олди.
ОЧЛ
1/8 финал баҳси
19 февраль, якшанба
“Аш-Шабоб” (Саудия Арабистони) — “Насаф” (Ўзбекистон) 2:0
Голлар: 1:0 – 13 ал-Қаҳтони, 2:0 – 55 Банега.
“Аш-Шабоб”: Ким Шин Гю, Фаваз ал-Сқур, Ҳасан Тамбакти, Нодир аш-Шарари, Мотиб ал-Ҳарби, Риёд Шараҳили (Мажид Умар, 90), Ҳусайн ал-Қаҳтони, Эвер Банега, Кристиан Гуанка (Турки Аламмар, 80), Ҳаттан Баҳебри (Фахад ал-Муваллад, 69), Санти Мина.
“Насаф”: Абдувоҳид Неъматов, Алибек Давронов, Ҳусниддин Алиқулов, Ғолиб Ғайбуллаев (Муҳаммаджон Раҳимов, 67), 10. Ҳусайн Норчаев, Жўрабек Маннонов (Шаҳзодбек Акрамов, 79), Жавоҳир Сиддиқов (Нодирбек Мукаров,79), Акмал Мозговой, Шерзод Насруллаев (Шуҳрат Муҳаммадалиев, 67), Ойбек Бозоров (Суҳроб Нуруллоев, 79) , Умар Эшмуродов.
Изоҳ (0)