Apple реал дунёда билдиришномалар ва бошқа маълумотларни акс эттирувчи кенгайтирилган реаллик кўзойнакларини намойиш қилишни номаълум муддатга кечиктиришга қарор қилди. Бу ҳақда Bloomberg хабар бермоқда.
Apple дастлаб виртуал реаллик шлеми пайдо бўлгандан сўнг кўзойнак чиқаришга умид қилган эди. Bloomberg аввалроқ компания уни 2023 йилда тақдим этиши кутилаётгани ҳақида хабар берган эди.
Лекин Apple кўзойнаклар чиқаришнинг мумкин бўлган санасини 2025 йилга кечиктирган ва кўзойнаклар бўйича режалар бутунлай тўхтатилган.
Маълум бўлишича, Apple кўзойнак ўрнига виртуал реаллик шлемини арзонроқ версиясини ишлаб чиқишга эътибор қаратади.
Кўзойнак режаларининг ўзгариши Apple янги бозорга киришда дуч келаётган технологик қийинчиликларни кўрсатади.
Агентликнинг ёзишича, Apple компаниясининг одамлар кун бўйи тақиб юриши мумкин бўлган енгил технологияли кўзойнак яратиш орзуси энди кўп йиллик тасаввурга айланиб қолган.
Компания кўзойнаклар келажакда iPhone ўрнини босиши мумкин деб ҳисоблайди.
Apple ишлаб чиқаришга тайёрланаётган виртуал реаллик шлемлари фойдаланувчиларга рақамли маконда яшаш имконини беради: одамлар энди бундай шлемлардан виртуал маконда ўйин ўйнаш, видео томоша қилиш ва мулоқот қилиш учун фойдаланмоқда.
Бозорда аллақачон доминант маҳсулот мавжуд — Meta компанияси маҳсулоти. Meta шлеми тахминан 1 500 доллар туради, Apple’нинг биринчи шлеми эса илғор экранлар, 10 дан ортиқ камералар, кучли процессор ва алоҳида график чипдан фойдаланиш ҳисобига тахминан икки баробар қимматга тушиши кутилмоқда.
Шу сабабли Apple Meta билан рақобатлаша оладиган кўпроқ бюджет версиясини яратмоқчи.
Apple 17 январь куни MacBook Pro ноутбукларининг янги версияларини тақдим этди ва уларга янги, кучлироқ M2 Pro ва M2 Max процессорларини қўшди.
Бундан ташқари, компания М2 микросхемаси ва бир хил M2 Pro’га эга моделларни таклиф этувчи Маc мини-компьютерларини янгилади.
Мавзуга доир: Apple учинчи ўринда: Ўзбекистонда 2022 йилда технологик компаниялар қанча солиқ тўлаган?
Изоҳ (0)