Meta kompaniyasi Facebook va Instagram ijtimoiy tarmoqlari foydalanuvchilari uchun pullik obunani joriy qiladi. Bu haqda Financial Times xabar bermoqda.
Ijtimoiy tarmoqlarning faqat brauzer versiyasiga kirish imkoniyatiga ega obuna narxi oyiga 11,99 dollarni, mobil ilovalar foydalanuvchilari uchun oyiga 14,99 dollarni tashkil qiladi.
Mashhur odamlarga mo‘ljallangan, ularning nomi ostida soxta akkauntlarni yaratishdan yuqori himoyani taklif qiluvchi pullik obuna funksiyasi shu hafta Avstraliya va Yangi Zelandiyada paydo bo‘ladi, so‘ngra asta-sekin boshqa mamlakatlarda ham joriy qilinadi.
Monetizatsiya yangi usulining paydo bo‘lishi Meta daromadini oshirish uchun mo‘ljallangan bo‘lib, kompaniya foydasi reklamadan tushadigan daromadning kamayishi tufayli qisqarib bormoqda.
Reklama daromadi kamayib borishiga Apple 2021-yilda foydalanuvchilarga uchinchi shaxslarga ularning faoliyatini kuzatishni bloklashga ruxsat bergani sabab bo‘ldi.
Ko‘plab yirik IT platformalar maqsadli reklama xizmatlarini sotish uchun ushbu ma’lumotlarga tayanar edi.
O‘tgan yili Meta rahbariyati Apple harakatlaridan ko‘rilgan zararni 10 milliard dollardan ko‘proq yoki yil davomidagi barcha reklama daromadlarining 8 foizini tashkil qilganini ma’lum qilgandi.
Izoh (0)